|
هي للتذكير فقط ....
تزوجت فتاة... وذهبت للعيش مع زوجها وحماتها .. وبعد وقت قصير اكتشفت أنها لا تستطيع التعامل مع. حماتها ، فقد كانت الأخيرة تنتقدها و تثير غضبها.. ولم يتوقفا يوما عن الجدال والصراخ، كان الزوج بدوره يعانى أحزاناً ومشقة.. ولم يعد في استطاعة الزوجة التحمل أكثر.. قررت أن تفعل شيئا .. فذهبت ( لصيدلي ). صديق عائلتها..شرحت له الوضع بالتفصيل وسألته أن يمدها ببعض العقاقير السامة حتى تتخلص من. حماتها إلى الأبد.. فكر الصيدلي ثم دخل غرفة التحضير دقائق ثم خرج ومعه زجاجة صغير مزودة بقطارة وقال : ليس من الحكمة أن تستخدمي سما سريعَ المفعول وإلا ثارت حولك الشكوك، لذا سأعطيك هذا العقار الذي يعمل تدريجيا وببطء ، وعليك أن تجهزي لها كل يومين طعاما من الدجاج أو اللحم وتضعين عليه نقاط من هذا السم بالقطارة ، وفى هذه الأثناء عامليها بلطف وتودد .. لا تتشاجري معها أبدا مهما كانت الظروف.. عامليها كما لو كانت امك حتى إذا انقضت أيام عمرها لم يشك فيك أحد.. سعدت الزوجة بهذا الحل وأسرعت إلى المنزل لتبدأ التنفيذ على الفور .. مضت الأيام والشهور وهى تحرص على التنفيذ بكل دقة وتذكر دائما ما قاله الطبيب لعدم الاشتباه، فتحكمت في طباعها وأطاعت حماتها وعاملتها كما لو كانت أمها.. بعد ستة أشهر تغير جو الأسرة تماما، مارست الزوجة تحكمها في طباعها بقوة وإصرار، نشأ جو من الحب والصداقة بينها وبين حماتها التي تغيرت هي الأخرى وصارت كالأم الحنون لزوجة ابنها..أصبح الزوج سعيدا بما طرأ على جو الأسرة وهو يلاحظ كل ما يحدث.. بعد هذه المدة ذهبت الزوجة للصيدلي ولكن هذه المرة لتقول له: من فضلك ساعدني لأمنع السم من قتل حماتي ، فقد صارت جدا لطيفة وأنا أحبها الآن مثل أمي.، أرجوك لا أريدها أن تموت.. ابتسم الصيدلي وهز رأسه وقال يا بنيتي: أنا لم أعطك سما قط ، لقد كان المحلول الذي بالزجاجة ماء ! .أما السم الذى أوشك أن يقتلك فقد كان قابعا في عقلك ، والآن تأكدت والحمد لله أنك برئتِ منه ! عامل الناس بمثل ما تحب ان يعاملوك به ...وادفع بالتي هي أحسن.. وسايس الناس بالمعروف.. ولا تتسرع بالاحكام ! البعض يُفسر الأدب خوفاً ! لأنه لم يتربى على الأحترام بحياته والبعض يفسر الطيبة غباء لأنه لم يعتاد إلا على سواد القلب لكنك تنتظر الثواب من الكريم |
رد: هي للتذكير فقط ....
موضوع جريئ جدا
الموعظة الي صارت حلوة وتحكيم العقل رائع بس خلينا نشطح بالقصة شوي انو في كناين عملت هيك فعلا مع حمواتها والنتيجة موت الحماية؟؟ الكنة رح تنبسط اتوقع سنة تنتين تلاتة عشرة وبس بعدها تتخيل غضب الله عليها بقتل نفس وتخيلي الامراض بالدنية والغضب ونار جهنم بالآخرة يجعلوا الله يشويها شوي لهيك كنة حمارة ............... الي بعرفو وبفهمو هي أم والأم اهم من الزوجة بألف مليون مرة وواجب طاعة ام الزوج من واجب طاعة الزوج وغصب عن راس البنت هيك الدين بئول وهيك الاخلاق والترباية بتئول في بنات مخطوبين جديد بيتدايئو كتيييييييييير من تصرفات الحماية وتدخلاتها وحبها لابنها ومابعرف شو وفي الف حل من الزوج للتوفيق بين التنتين والف حل من الحماية والكنة ليتفقو ولكن اذا ماحصل اتفاق الحل الوحيد والمفروض هوة طاعة الكنة لام الزوج طاعة مطلقة وكأنها امها ابو الزوج وام الزوج وايضا اب وام الزوجة تعتبر من صلاة الرحم ومن قطع صلة رحم عوقب من رب العالمين فأي بنت متزوجة وعم تتذمر من تصرفات حماتها ياريت يا بنتي تسكتي وتعملي متل مابدها حماتك وتطيعيها لانو هيك الواجب اتجاه زوجك وحياتك الزوجية واذا ما بتقدر وماتحملت ضغط ترجع عبيت اهلها ولاتفرض عزوجها بيت منفرد وسكنة بعيدة ومابعرف شو هي عادات اجتماعية فاسدة طاعة ام الزوج من طاعة الام |
رد: هي للتذكير فقط ....
كل الكلام الي حكيتو لورد صحيح وانا بوافقك عليه ولكن في سؤال براسي انو لاي حد المفروض الكنة تطيع الحماي وشو هي الحدود الي لازم الحماي توقف عندها وماتدخل بحياة كنتها لتشعر هالكنة انو انتقلت لمرحلة جديدة بحياتها الها حرية القرار بأمور حياتها مع زوجها ولو حدث وتجاوزت الحماي الخطوط الحمرا على مين المسؤولية باعادة الامور لمجراها الطبيعي |
رد: هي للتذكير فقط ....
ياريت الكل يشاركنا الرأي لنستفيد منكم لان قصة الكنة والحما قصة ازلية على مايبدو مابتنتهي |
رد: هي للتذكير فقط ....
الموضوع صعب كتير انا براي ومتل ماتعلمت والكلمة الي دائما بسمعها من ماما الي بترضيه لامك لازم ترضيه لحماتك والي مابترضيه لامك لازم ماترضيه ابد لحماتك بس عندي سؤال لوكانت الزوجة متفقة مع زوجها على طريقة لباس معين واجت الحماي وطلبت من الكنة تغير هاي الطريقة وتلبس على كيفا هل من المفروض هون الطاعة للحماية ولا بتطنش الكنة وبتسمع كلمة جوزا هاد امر بسيط كتير ومنو فينا نعرف او نقيس على الامور التاني شورايكن |
رد: هي للتذكير فقط ....
اقتباس:
في حدود معينة المفروض يحددها الزوج لانو هي مسؤوليتو حتى يحافظ على بيتو وعلى اهلو اي حماية بالدنية رح تتدخل وتحكي بس لاي مدى تتدخل هي اهم نقطة لازم تتحدد بين الزوج والزوجة من البداية في حماوات بيعطو نصائح للزوجين بدون تدخل هدول اروع شي في حماوات بتضل تتأمر بالكبيرة والصغيرة حتى ماتفقد شعور انو ابنها المدلل راح من ايدها واجى مين يدللو ويحبها او تحبو اكتر هي هية عقدة الحماية انو ابنها انسرق منها التدخل من الحماية بامور بتخص الحياة الشخصية والاسرار للزوجين هاد مرفوض تماما والكنة نفس الشي توقف امها عند حدود من التدخل ولااااااا تطلع الكنة اسرار بيتها لبرة |
رد: هي للتذكير فقط ....
اقتباس:
صارت نقاشاتنا كبار من هون ورايح ما يا ضرسانة ;) بالنسبة لسؤالك : اي الاتفاق بين الزوجين عاللبس ضروري اذا شافت الحماية انو طريقة اللبس فيا تقصير بحق الدين والمجتمع فواجبها الطبيعي تتدخل وتنصح وتحكي لانو بتريد الخير لابنها ولزوجة ابنها اكيد فالتدخل بكون ضمن الحشمة والامر فيا مو العكس تطلب تخفيف لبس وتقصير وهيك شي لاء هيك غلط وعيب نحنا بحسب دينا واخلاقنا وتربايتنا منسعى للحشمة واللبس الي امر في ربنا شغلة موضة وحضارة ورفقاتي مابيلبسو هيك هاد كلام ولاد صغار وغلط يا بنتي اهم من كلام الناس وآراء الرفقة والمجتمع هوة رضاكي انتي عن نفسك ورضى ربنا عن تصرفاتك ولبسك وكلامك مثال شخصي حتى ماتزعلي هههه اذا شي مرة نعميت عئلبي وخطبت وبدي اتجوز فلاااازم المانطو او العباية فاذا امي طلبت هالشي من الكنة فهاد الصح والي بيسعدني واذا ماكنت منتبه لازم الام تنبه على هيك قصص لانو بمرحلة الخطبة بكون الواحد تلت رباع هايشة ومو طاسس بعيونو |
رد: هي للتذكير فقط ....
اقتباس:
شموس حبيبتي خليكي متل ماعلمتك وربيتك وبالنسبة لسؤالك فيكي تعملي الي بدك الياه ولكن ضمن الحدود وطاعة الله وبنفس الوقت ترضي نفسك وترضي الاطراف التاني كل شي بالكلمة الحلوة والعقل بيمشي كوني بخير شموستي والسعادة تملي حياتك |
رد: هي للتذكير فقط ....
اقتباس:
بتشكر حضورك لورد وبوافقك على رايك مية المية وانشالله تكون شموس استفادت من الي حكيتلها اياه من القلب كل الود الك |
رد: هي للتذكير فقط ....
بورك كل من مر وناقش هنا وكل من قرأ واستفاد
تحديث للموضوع |
رد: هي للتذكير فقط ....
سؤالي للجميع صبايا وشباب ( الغيرة ) بالمفهوم العام شو اسبابا وكيف ممكن نتلافى هالقصة او نخفف منها والسؤال المخصص هل من الممكن انو يكون في غيرة بين الحماة والكنة لو كنتي انتي مكان الكنة في هذه الحالة كيف بتتصرفي ( السؤال للصبايا ) لو كنت انت الرجل الذي تشهد على هذه الغيرة في حياتك كيف تتصرف مع الطرفين الزوجة والام ( السؤال للشباب ) وكل الشكر مسبقا لمن يتفاعل هنا |
| الساعة الآن 11:56 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
