سؤال مهم جداا للشباب والبنات
بسم الله الرحمن الرحيم
يقول الله عزوجل(المال و البنون زينةُ الحياة الدنيا) فجميعنا نتمنى أن نـُـرزق بأبناء لكن ماذا لو وَجَدت الفتاة شاباً في غاية الجمال وذو دين ٍ وأخلاق ٍعالية ولكن عيبهُ الوحيد أنه لايـُـنجب ... فهل تقبلين الزواج منه؟؟ وكذلك السؤال موجهٌ للشباب ... هل تقبل الزواج بفتاةٍ لاتـُـنجب؟؟ أو .... إذا تزوجتم وأكدت الفحوصات الطبية بأن أحدالطرفين لا يـُـنجب فما هي ردة الفعل ؟؟؟ هل تهون عليك عِشرة السنين التي قضيتموها مع بعض وبالتالي تفترقان ؟؟ أم أنك أيها الرجل تريد الزواج من إمرأة ثانية مع بقاء الأولى في عصمتك أم ماذا ؟؟ وأنتِ أيتها المرأة ماذاستكون ردة فعلكِ ؟؟ هل ستطلبين الطلاق والإنفصال ؟؟ أو ستبقين صابرةًمُحبه ومتعاونة وتحاولين أن تـُـنسيه همومه ؟؟ :152: |
الي كاتبو ربنا بصير
تقبلي مروري |
نضالو منور دخيلو لربنا
|
والنعم بالله
بس بجد الي مكتوب راح يصير يعني ماحدا يحكي مننا من مبدا العاطفة او من اي مبدا تاني ياريت تكوني فهمتي قصدي انتي والي راح يمر لموضوع هاد |
اول شي بتشكرك عيوني صدى
وعن جد هاد السؤال مهم كتير يعني كل شخص رح يتصرف حسب طبيعتو امو مبدئو بالنسبة الي وبصراحة انا بقبل بالواقع لعدة اسباب الاول انو هاد شي من عند رب العالمين وماحدا بيعرف شو مكتوب الو يعني مين بيضمن انو مافيه هالعيب الشي التاني انو رب العالمين عز وجل سبحان اسمو بياخد شي وبيعطي شي مكانو واكيد الو حكمة بهالشي وانا بعرف ناس كتير متزوجين ومابيجيبو اولاد البعض الرجل مابينجب والبعض التاني المرأة مابتنجب ومع هالشي عايشين مبسوطين بحياتهم وماصار مشاكل عندهم بسبب هالشي وانا برأيي لما بكونوا هني التنين متفاهمين وبيحبو بعض هاد رح يقلص كتير من المشاكل الي بيمرو فيها حتى لو كانت الانجاب ورب العالمين كريم سبحان اسمو ولما بكون الانسان مؤمن مارح يقطع رجاءه بالله عز وجل يمكن طولت بالكلام بس عن جد وبصرحة وبدون مجاملة انا بقبل هي قناعتي الشخصية ولاني انسانة مؤمنة لو تزوجت انسان مابينجب رح اقول الحمد لله ومستحيل اتذمر من هالشي او اندم عليه بتشكرك مرة تانية حبيبتي دمتي في تالق ودي لك |
نضالو اكيد فهمتك وابتسامة بتشكرك على ردك وكلامك الحلو منورين ربي يحفظكم
|
سؤال صعب وبعتقد أنو الجواب عليه نظرياً أسهل بكتير من التجربة الحقيقية..
رح حاول يكون جوابي بعيد عن الرومنسية : موضوع الزواج من وحدة تانية مستحيل يعني اما منكفي بدون اولاد أو الانفصال.. أما بخصوص الاولاد : بعتقد اذا كانت المشكلة عندي بقرر الانفصال حتى بدون استشارتها وحتى لوكنت بحبها لأي درجة .. لأني بكره عيش مع شخص بحس بعقدة نقص تجاهو.. واذا كانت المشكلة منها هون بيكون عندي احتمالين: اذا كنت بحبها لدرجة اني مابقدر ابعد عنها فأنا مع فكرة التبني اللي بعرف أنو كتيرين بيخالفوني فيها. أما اذا كان زواجنا مو عن حب بالمعنى الكبير (عشرة وبس ) فأنا بفضل الانفصال بصراحة. يسلمو عالطرح .. لك مودتي .... سومر |
سؤال رائع جدا
طبعا البنون زينة الحياة الدنية بس اذا ربنا ماكتب مو يعني نهاية الدنية والبنون هنن امانة من رب العالمين عند اهلن والروح والنفس تعود لبارئها ففكرة الزواج من اخرى مرفوض حتى لو الزوجة طلبت ذلك لان الزواج بقصد الاولاد وكانها رفض لامر الله وقدره هذا حكم الله والحمد لله على مارزقنا والعشرة اهم مافي سنن الكون وقد تغني زوجة صالحة عن زينتي الحياة المال والبنون ان كانت كما امر ربي وبما ان ديننا الحنيف حرم التبني وانما لامر في قمة الحكمة وهنا احد مواضعه فعند رؤية الابوين للمُتبنى سيكون هناك شعور متناقض وقد يولد فرقة بين الزوجين ونظرات لو ان الولد المُتبنى لم يكن لما وجدت اصلا فسبحان ربي على حكمته فتقبُل الامر والحمد والثناء على ذلك لرب العالمين انه لنعم الاجر والثواب ولا اعتراض على حكمه ابدا سؤال رائع وجريئ تحياتي للراقية صاحبة الطرح |
كتير كانت رائعه اراء يلي سبقوني
بس سومر بالنسبه للتبني (تسجيل الولد الغريب باسم العائلة) محرم شرعا أما تربية الطفل من غير ادعاء نسبه فهو أمر مشروع، وفيه أجر كبير عند الله تعالى بالنسبه لرأيي بكل تأكيد المال والبنون زينه الحياه الدنيا والأبناء هم الثمره التي تحصد من الزواج وأهم أهداف الزواج هو النسل وبلا أدنى شك هو مطلب أساسي لكل إنسان بالفطره حينما يقدر علينا الله أن لا تتم هذه النعمه لحكمه يعلمها يجب علينا أن نرضى ولا نجزع ولا نسخط وهذا بكل شيئ مقدر لنا بشكل عام هذا في أنفسنا أما إذا كان في الشريك كـ وجه نظر شخصيه كل شيئ مقدر ومكتوب وليس من الله يقطع الرجاء لو مثلا انفصل الشخص وتزوج بأخرى ازا الله مش كاتبلو يشوف ذريتو بهالحياه ما بيشوفه الأفضل إنو نوقف مع الشخص يلي ئاسمناه حياتنا وما نحسسو لا بعجز ولا بنقص ويضل التفاهم والموده والرحمه والأمل بربنا كبير ويلي كاتبو بيصير الإيمان هوي اساس كل شي لأنو بالنهايه محدا بياخد أكتر من يلي كاتبو ربنا غير بالدعاء يسلم إيديك صدى على الطرح الرائع شكري وتحياتي لكِ |
سبئتني لورد وكان رأيك ئريب من رأيي
كلنا هون متفقين عنجد طرح رائع صدى |
اممممممممممممم
اول الشي واخر الشي : يارح اتجوز غيرو وبلا عشره بلا بلوط يائمة بتبنا ولد يائمه ضل ببيت اهلي اريحلي من الشنططه هي شكراً على السؤال .. تحياتي.. |
شامو هههههههههه
حلوه الصراحه بس ئلنا حرام التبني فيكي تربي ولد هلأ بتحكي هيك بعدين كلشي بيتغير هههههههه وإن شاء الله محدا يتحط بهيك موقف |
الساعة الآن 01:44 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010