الخمره
 

إليكم القصيده يا جماهيري وهي خطره
وخلو هالرقابه تسجن الشاعر وجمهوره


هدوءا أيها الساده حضور الحفل والسهره
مساء الخير عالصاحي وأشوف الناس مخموره


أنا أسف على الازعاج ولكن طالت السكره
ذكرت اني قبل ساعات أصيل وعزوتي نوره


على فكره الكرفته عجزت أفكها عسره
أبي واحد ينزلها أو أي وحده ومشكوره


وأبي ثوبي جيبولي ثوبي الأشهب مع الغتره
قبل والله لطربقها على هالحفل بحضوره


ولا واحد يتكلم قبل ما اخلص النشره
ومن يحكي قسم بالله لدوس برجلي حنجوره


تراها قفلت ياسادة بلادي ويا ستره
وهي ما دامها خربت بقول الليله الثوره


أنا بحكي من أول يوم جيت لدنيا قذره
وتكرم عن قذارتها بيوت الله ومعموره


أنا مولود في ليلة شتى مع بردها مطره
في خيمه وسط صحرا مابها سستر ودكتوره


أنا ياحضرة الساده غريب وضاع من صغره
لعن جدي زماني بين مدهوره ومهجوره


حملت من الشقى مالا يطاق وجايكم بذكره
ولاني قادر أتحمل وأموت بنفس مقهوره


وأنا أدري يذبح الرجال كثر الصبر في قهره
عن قهر الرجال المصطفى حذر ومذكوره


وهم قالوا مفاتيح الفرج للحي في صبره
وأنا أشوف الصبر مفتاح ضاع وزاد طابوره


تعبت ألملم أيامي بيدين الهم والحسره
تعبت ألمع البرواز وأمسح غبرة الصوره


تعبت أبوس كف الجوع وخشم الفقر طال عمره
تعبت أكذب على الحاجه وأقول الحال ميسوره


تعبت أحمس من القهوه وأحط السمن والتمره
تعبت ودلتي وحده وكل شوي منثوره


أحسب العز بالدله و بيت النذل بها عشره
دلاله أكثر الملعون ومليانه ومسطوره


أنا بحكم البداوه أنزرع في داخلي بذره
عن علوم المراجل ألف بذره فيني مبذوره


تربينا على الدين ونطيع الله مع شكره
تعلمنا نصلي ونحفظ القرآن وكل سوره


تعلمنا نحب الضيف وفينا الكرم فطره
تعلمنا نقول الصدق لا لفه ولا دوره


تعلمنا نحلب النوق ونعرف وشهي البكره
تعلمنا الضما وحنا بيدينا البير محفوره


تعلمنا وكثير اللي تعلمناه وش كثره
أخذنا درس بالدنيا بلا دفتر وسبوره


وأنتم يا سكارى الحفل ,, عفوا أيها الزمره
منو فيكم عرف قهر الزمان وظلمه وجوره


منو فيكم وطاه الجوع وذله وصفقه فقره
منو فيكم عرف يحتاج للقمه ونشف زوره


منو فيكم من الضيقه حفر بأصابعه قبره
منو فيكم رقد ليله وسط أجساد مقبوره


منو فيكم مشى حافي برمضه كنها الجمره
منو فيكم سهر ليل الظلام بدون أباجوره


منو فيكم مطاح ألفين مره وسلمت الجره
وأنا من قبل أطيح وجرتي بيديني مكسوره


لكم الماء والوجه الحسن والمال والخضره
ولنا حنا الضمى والجوع وفقر وشيفت(ن) عوره


ولا مره حظي ضحك بوجهي وأشكره مره
وغيري مبتسم حظه وكل أيامه مسروره


كتبت الشعر من صغري وبيوتي ما بها كسره
وأنتم تبرزون اللي كتب بيتين مكسوره


أنا يا حظرت الساده فقير ما اغتنى بشعره
مدام المومس اللي تشري الاشعار مشهوره


وانا ياحظرت الساده هنا الليله وعلى فكره
ترى هالبدله مسروقه ورجلي بجزمه محشوره


ولكن قلت ابحضر هالحفل والعمر ابختصره
وأبي أبدع معاكم وسط ليله أنس ومحذوره


واذا كانت رجولتكم بكاس الثلج والخمره
أنا بشرب بدون الكاس وثلجه ألف قاروره


أبويه قال الي مره دسم شاربك بالغبره
مايدري بالشنب محلوق وجابر فاقد شعوره


أنا بمشي مدام الليل ودع وابتدا فجره
بروح أرد هالبدله على هالمعلاق مزروره


وأنا أدري يا كلاب الحفل اني بالسجن بكره
مدام الليله جبت العيد بهذا الحفل وحضوره

رد: الخمره
 

ههههههههههههههه

الله الله على ايام هالقصيدة ذكرتنا فيها جزاك الله خيرا

ادعى صاحب القصيدة انو مخمور وسكران وسط سهرة كلها امراء ومجون وولاد حرام

وكان اطلق لسان وافصح قول واجرء كلام بحضور اكلة الاموال والحقوق

في مقطع فيديو وهوة يلقي القصيدة رح حاول جيبو

واجمل شي اخر بيت ههههه


شكرااااا يا طيب ماقصرت

رد: الخمره
 

وهي المقطع لئيتو واخيرا

للشاعر جابر العتيبي

[عزيزي الزائر يتوجب عليك التسجيل للمشاهدة الرابطللتسجيل اضغط هنا]