|
الشرف ...
السلام عليكم ورحمة الله وبركاته
في شي برآسي حاب ناقشو معكو واطرحو هون ... الشرف الشرف عن اغلب الرجال الشرقين اضرب اختك ان غلطت موتها اقتلها لا تسمعها هي غلطت ... طيب هي ليش غلطت ؟ مين السبب برآيكم ؟ طيب لو كانت البنت صغيره وحدا ضحك عليها وهي ما تعرف شي بهي الامور .. وهي اكيد بس صارت تفهم خافت تحكي عشان اهلها لا يئتلوها لانو بنظرهم هي الي غلطت ... طيب ئبل ما كمل بنظركم انتو مين الي غلط بهاد الموضوع وكيف ما نخلي البنت الصغيره ينضحك عليها هيك ؟ .. البنت خافت تئول لآهلها وحبت شخص واجا بدو يتقدملها ئبل ما يجي حكتلو بدي احكيلك شي بس والله مالي زنب انا وبحلفلك عالقران مالي زنب ... بدكياني تعا اطلب ايدي ما بدكياني امانه ما تفضحني انا وثقت فيك والله انا مالي زنب انت يآ رجل شو رده فعلك رح تكون ؟؟ وانتي يآ بنت لو انتي صديقه البنت او اخت الرجل هاد شو رح تنصحي الرجل يعمل او شو رح تعملي مع البنت ؟ حاب شوف اجابتكم |
رد: الشرف ...
اقتباس:
|
رد: الشرف ...
هي الغلط الله مابيغفروا لحتى الاخ او الاب او العيلة تسامح
على مين الحق على البنت كيف بدك تحميها لاتتركها لحالها نحنا ناس ريفين اختي من الشارع لشارع مابتروح لحالها خلي عينك عليها مابتغلط وهيك علط مابيمحيه غير القتل |
رد: الشرف ...
قتل ؟ شو ذنبها حتى تقتل ؟
" طفله افهم شو يعني طفله يعني مش فاهمة شو الي بصير " تكفر عن ذنب بذنب اكبر !!! |
رد: الشرف ...
طفلة اديش عمرها يعني ؟ 3 سنين ؟
كانو يتزوجوا عمرهن 12 سنة انا امي تزوجت عمرها 14 سنة كانت تقوم برجال وبيت جابت ولاد وربتهن بعدين الغلط الي عم تحكي عنه الي هو القتل هاد مو غلط هاد حكم رب العالمين الغلط غلط والحكم حكم وغسل الشرف معروف كيف |
رد: الشرف ...
اقتباس:
الطفله الي عمرها 6 سنين رح تفهم بهالامور ؟ كيف حكم رب العالمين ؟؟؟ حكم ربنا مش ظلم ربما بظلمش زي البشر هاتلي دليل ع انو حكم رب العالمين انو بقتل بنت في واحد اغتصبها وهي ما الها ذنب .... |
رد: الشرف ...
اقتباس:
بشكرك ع الموضوع في الصميم بالنسبة لسؤالك ليش غلطت ازا كانت كبيرة و واعية ف رح يكون نقص الوازع الدين اما ازا كانت البنت صغيرة وماتعرف بهالامور ع قولتك او انضحك عليها فأنا مابلوم البنت اللوم رح يكون ع الاهللانو غالبا في مجتمعاتنا العربية فش ثقافة الصداقة بين الاهل وابنائهم وبمفهوم اعمق مافي احاديث خاصة مثلا بين الام وبنتها و الاب وابنو خاصة بأمور عديده بالحياة منها الثقافة الجنسية . بمعرفة شخصية لفتاة وقعت بهيك حاله ماقدرت تقول لاهلها شي بس بعد رفضها خاطب اضطرت تحكي واهلها وقفو معها بس بعد ايش بعد لي عانتو اكتر من 10 سنين كتمان بالنسبة لنصيحة للبنت هي تمسك بسبيل الله يجعل الله لها مخرجا ويرزقها من حيث لا تدري اما الرجل اليك حديث خير خلق الله : عن أبي هريرة رضي الله عنه قال: قال رسول الله صلى الله عليه وسلم: "من فرج على مؤمن كربة فرج الله عنه كربة، ومن ستر على مؤمن ستر الله عورته، ولا يزال الله في عونه ما دام في عون أخيه" اما ازاكان الوضع ماترضاه فما في داعي تفضح وتشهر بوضع البنت . اسفه اطلت الحديث لكنه موضوع يمس جوانب من حياتنا جد مهمة مشكووور محمد |
رد: الشرف ...
اقتباس:
يعطيك العافية حمودة على طرحك للموضوع اللي الكتار بيحسو في شئ من الجرأة مع انو انا بشوف بالعكس هوة من الامور المهمة او يمكن الاهم اللي لازم ياخد حق بالنقاش منرجع لموضوعك اخي حمودة او ل الشئ انتي عنونة الموضوع تحت عنوان الشرف ( للبنت ) من دون مقدمات ومتل ماتعلمنا وربونا اهلنا على مقولة انو سمعة البنت كالزجاج اذا انكسر يصعب اصلاحه وحياتها وكرامتها ليست ملكها وبيقولو هم البنات للمات لان اي شئ يمس بشرفها ممكن يسبب العار الها ولاهلها وانا مقتنعة بهاد الحكي مية المية ولكن قبل كل هاد لازم نعرف شو مفهوم الشرف وهل يقتصر الشرف على هذا المفهوم الضيق الذي تحصر ضمنه اغلب العقول انا براي نعم هاد واحد من اهم مقومات الشرف في حال الفتاة هي من فرطت به بارادتها اما بالنسبة للي طرحته اخي فهو يدرج تحت كلمة الاغتصاب وهاد الامر ليس للفتاة ذنب به بأي حال من الاحوال ولكن للاسف مجتمعاتنا لاتغفر وتبقى الفتاة مدانة ولربما تخسر فرصتها بالزواج وانشاء اسرة ووو .... اما في حال كانت البنت صغيرة كما قلت انت في روايتك فالخطأ اولا واخيرا يتحمل مسؤوليته الام .... قولا واحدا لن اقول الاب ولا الاخ ولا الاخت ولا اي احد .... الام هي من فرطتت بشرف ابنتها في هذه الحالة لان البنت صغيرة ولاتعي ولاتفهم باي من هذه الامور بينما الام هي حتما من تركتها في المكان الخطأ ليحصل لها ماحصل تاني شئ لفت بنظري نقطة باللي حكيتو انو البنت كانت في عمر صغير واخفت الذي حصل عن اهلها سنين في شئ لايدخل العقل اي بعد واي توهان اذا في هذه الاسرة كيف ان لهذه الطفلة ان تخفي هكذا امر ؟؟؟؟؟ ..... وكيف لم تنتبه الام لهكذا امر .... اذا لو كانت القصة كما قلت فالام هي السبب وهي من تتحمل النتيجة بلا منازع وانت قلت مالحل لا حل الان بعد هذه الفترة اعتقد وليس على الفتاة في هذه الحالة الا ان تحتسب لله فيما حصل لها وتكون اقرب الى الله ولربما يرزقها ويعوضها الله بيوم ما بالانسان الذي يتفهمها ويستر عليها ولو كنت بعرف هالبنت اكيد مارح قلا غير انو تحاول تنسى الموضوع وتحاول تثبت نفسا وشخصيتا وتبرز قيمة الشرف ومعانيه بأمور اخرى بالحياة فالشرف كلمة لاتتوقف عند هذه النقطة والاهم من كل هاد انو تنسى هالشب اللي حبتو وفرط بسمعتها وحكا قصتا بين الاخرين ورح قلا كلمة وحدة اشلحي من رجلك وارميه بعيد كتير واحمدي ربك اللي خلصك منه من اول الطريق لان اكيد مو هوة الشخص اللي رح يكون امين وستر وغطا عليكي بيوم من الايام اما بالنسبة للشاب الذي احبته واخبرته بقصتها كان الاولى به ان يكتم الامر في داخله ولا يفضح امرها هذا ان كان لديه القليل من صفات الرجولة وحسبنا الله ونعم الوكيل |
رد: الشرف ...
تعرض المنتدى لخلل ورجعت المشاركات اسبوع
كان في ردود لايمن وحمودة ولورد قبل مشاركة سحابة صيف رح باشر باعادة اجابتي ......................... الشرف كلمة كبيرة كتير والحفاظ عليها اهم شي بحياة الانسان ولحتى يحافظ عليا لازم يرتكزعلى اسس متينة كالتربية والاخلاق والدين والخوف من غضب الله ووو لكن هل الشرف مختصر بامر معين ام ان الشرف له ابواب وتفرعات كبيرة هل اللص والسارق والمرتشي يمتلكون صفة الشرف او خسروها؟؟ عالعموم ندخل في قلب السؤال المطروح من يتحمل مسؤولية هكذا ضرر هوة الأهل من دون ادنى شك يتوجب على االأهل قبل مراقبة الابناء ان يكونو قريبين منهم ويحادثوهم بادق التفاصيل وان لايتركوهم يختبرون الحياة بمفردهم الام يجب ان تكون صديقة ابنتها وان تكونا لصراحة بينهما كبيرة ان لم تكن مطلقة والولد يجب ان يكون قريبا من والدته لكن البنت اهم والاعتناء بها اصعب الأم بموضوع التربية اهم من الأب واقرب وعليها يترتب مسؤولية اكبر دور الاب يكون داعما وناصحا لها ومراقبة الابناء ومع من يخرجون ويتحدثون هذا لهوة اهم شيئ في التربية ان وقع الامركما تقول اخي محمد وكانت صغيرة ولاتعرف ووصلت الى حد اخبار رجل ما بماحدث من هنا ننطلق على الرجل ان يفهم مدى الثقة الممنوحة له من الفتاة \ حتى اخبرته باهم واخطر سر في حياتها فاما ان يكون رجلا فعلا ويقف معها ويتأكد بان ليس لها أي ذنب وتكون نسبة التأكد مليون بالمليون فان ستر عليهاوكتم سرها ستره الله يوم الدين وستره طول حياته ولهذا الامر في الدين امثلة كبيرةوعظيمة اما ان رفض هذا الامر وقرر التخلي عنها فاقل الواجب ان يكتم سرها ان رفض الامر واخذ عليها هذا الممسك وفضحها واخبر غيره في الامر وهذه اغلب الحالات للاسف فيجب ان يعلم بانه مفضوح في دنياه وآخرته لا محال وكما تدين تدان ............ الحل في حال رفضها الشاب وقرر ان يتكلم عليها فلا يوجد حل منطقي يدخل العقل هنا وتقريبا الفتاة ستكون مدمرة نفسيا والشاب سينتقم لنفسة ويبرز ذكورته بالتحدث عنها بالسوء وان صارحت اهلها الآن ستكون ردة فعلهم عنيفة وربما تقتل كما قال ايمن بانه الحل الوحيد حينها لن يلوم الاهل انفسهم ولن يفكرو كيف ومتى ومن يتحمل المسؤولية كل المصيبة ستحل بالفتاة وحدها فعلا اخي حمودة لايوجد حل منطقي لهكذا امر وردات الفعل لن تحسب عقباها ستقول لي بان لاذنب لها وكانت صغيرة .. حتى لو صغيرةوكبرت وفهمت يجب ان تخبر والدتها بالامر ولاتفكر بمصارحة أي شاب الام ستبقى احن عليها واستر لها من أي شاب كان اكتفي الآن....نتابع |
رد: الشرف ...
تباً لكم وللمنتدى و للموضوع ....
كل المشآراكات الي كنت كاتبها انا نسيتها !!! .... اي وين كنا شو هو الشرف ؟ مين كتب المووضوع ؟ تعا ايمن ال كلشي قتل ال تعا لشوف |
رد: الشرف ...
في نسخة لمشاركاتك انت وايمن اذا بدك حمودة
محور الحديث كان من ايمن انو القضية ما بتنغسل غير بالدم والحل الوحيد هوة القتل للبنت او الشب اجابات حمودة كانت بانو شو ذنب البنت حتى تقتل اجابة لورد بعد حمودة ااذا في قتل بالقصة فالام المستهترة هي من تستحق القتل اجابة حمودة رد على لورد حتى الام ما بتستاهل قتل وعادي البنت تروح لعند بيت عمها او خالها بدون رقابة واذا صار شي الام مالها ذنب ثم اجابة سحابة صيف اعلاه تابع اخي حمودة........... |
رد: الشرف ...
شو تابع ما تابع
اخي رح اعطيك الخلاصة من الاخير وبالتفصيل مادام الي خلئ اكتب سماع اول شي مع اني لهلئ ما اقتنعت انهن في بنت ست سنين حدا بيغتصبها بس رح روح معك اذا القصة صارت والبنت خبرت اهلها الشب لازم يقتل والقتل قليل لازم يصلب لحتى يموت ميتت الكلاب بحال البنت ماخبرت اهلها وكتمت هون البنت مع الشب لازم ينقتلوا لانه صارت البنت بحكم الي راضية لاحدا يقلي مابتفهم ومدري شو البنت والشب لازم ينقتلوا وهيك بتنحل القصة وتتسكر القصة لا الابد اما بحالة رح نعمل عواطف والبنت صغيرة وكبيرة ومدري شو من هالحكي الي بوجع الراس ومابيتحملوا عاقل هون منكون وقعنا بغلط اكبر نجي للبنت مين رح يقبل يرتبط فيها؟ رح نفرض انه البنت التزمت وماقطعت صلاة وقرأت قرأن وحفظت ودرست واعتكفت ببيت الله الحرام وعملت كل هالشي شو رح يتغير ياجماعة مين رح يرتبط فيها ؟ لاحدا يقلي بيجي ابن حلال مافي ولا ابن حلال رح يقبل مافي شب رح يقبل يعيش مع بنت مغتصبة مافي شب بيقبل يحمل بناته سمعة مالهن زنب فيها منشان شو ؟ منشان انه البنت ماحكت وخبت القصة او منشان نعمل عاقلين متل مابدكن ويسكروا القصة مافي شب رح يقبل يحمل ولاده العار اول شي رح ينحكا عن بناتها لهي البنت اذا امهن هيك كيف هنن مو اذا حفظت اتلقرأن اذا اكلت المصحف وقضت ستين ساعة باليوم صلاة النظرة نظرة والحكي حكي الشب الي عمل هي القصة لازم ينقتل بالحالتين اذا خبرت البنت لازم الشب ينقتل والبنت تعيش واذا خبت البنت لازم تنقتل هي والشب لانه بتسترها صارت بحكم الي راضية بالقصة وبس |
رد: الشرف ...
الي تعقيب عالموضوع كان لورد قايل بمشاركته اجابة لورد بعد حمودة ااذا في قتل بالقصة فالام المستهترة هي من تستحق القتل هاد الحكي انا معه لان الام هي المسؤولة اولا واخيرا ولازم تعرف انو من الخطا ترك البنت بأماكن حتى لو مع اقرب المقربين الها من دون رقابة اما ردك انتي اخي حمودة اجابة حمودة رد على لورد حتى الام ما بتستاهل قتل وعادي البنت تروح لعند بيت عمها او خالها بدون رقابة واذا صار شي الام مالها ذنب فأنا ضد هاد الكلام وبخالفك الرأي لان اكتر القصص الي منسمعها ومنشوفها بتكون صادمة لان للاسف بتصير بنطاق العائلة الوحدة وخاصة وقت بتترك طفلة بوجود شبان مراهقين والام بتكون ملتهية بطئ الحنك وعاساس عم يلعبو الولاد هاد حكي فاضي والام لازم تكون كتير منتبهة واكيد مو مطلوب منها تقيد البنت بس لازم وقت تضطر تترك البنت تكون مأمنة بحدن متل خالتها وعمتها او ... يكون واعي وبيفهم وبيئدر اما بالنسبة لراي ايمن على ئد مافي استفزاز من كلمة قتل على ئد لو صفنا بينا وبين نفسنا منلاقي هاد هوة الواقع اللي نحنا فيه وهاد رأي فوق 90 % من شبابنا هلا القتل اوك انا معه ولكن ضمن القانون يكون في قوانين صارمة وفعلا يقتل مرتكب هالجريمة لازم وانا متل ايمن بوافقو الراي انو لو حدث هاد الامر بعمر صغير متل اللي انت عم تقولو لا يمكن يتم اخفائه ولا يمكن لبنت صغيرة تئدر تخفيه وعلى كل حال نحنا لسنا بصدد مشكلة فردية ورح نعتبر لو انه هاد الامر حصل مع بنت قاصر شو اللي ممكن يصير وشو النتائج وشو اللي ممكن ينعمل لحتى نتفادى قدر الامكان الوقوع بهيك قصة لا سمح الله ومن هي النقطة لازم البدء لناخد اكبر فائدة من النقاش |
رد: الشرف ...
والله صفنان باجابة ايمن وراجعتها كتير
البعض ممكن يفكر فيا مبالغة وقساوة لكن هاد الواقع فعلا بغض النظر ان كان صح التصرف او لاء لكن نظرة غالبية المجتمع هيك متل ماقال ايمن بالزبط |
رد: الشرف ...
طيب صح انو الي كاتبو ايمن واقع ...
بس يمكن في شويه ظلم ما بعرف ازا حد غيري شايف هيك ... طيب لو حبينا نغير هاد الواقع هو صعب اكيد .. بس طيب فكرنا عالاقل ... شو فكركو وعقلكو رح يقول !! رح تقتلو البنت لان ما حكت لاهلها من الخوف من الفضيحه او تنقتل او او او .... انت ك شب رح تجرها بزياده وتحسسها انا الها زنب بشي هي ما الها زنب في ؟ طيب لو كنت بتحبها وحكتلك هيك صآر معها ... ح تتركها وخلص وتحسسها انها وحده وسخه وما حدا بقبل فيها !! ولا شو رح تعمل .... طيب لو لآ سمح الله اخت حدآ حبت تصآرح اخوها وتتئرب منو وحست انو هو الوحيد الي رح يوقف معها .. { آلله لآ يحط حدآ بهيك موقف } ... مثلاً اجت وحكتلو انا هيك صار معي وابن عمنآ هيك عمل فيني وانا عمري 6 سنين ووالله انا مالي زنب وحلفت بالقران ... المفروض انت ك آخ شو رح تعمل ؟؟ رح تقتل اختك لآنها حست انت الوحيد الي رح توقف معها وتوخدلها حقهآ ؟ ولآ رح تروح تقتل ابن عمك واختك تصير بلسان الي يسوى والي ما يسوى ؟؟ ولآ رح تقتلن الثنين ورح يضل ينحكى عليكو وع شرفكو ؟ او ... او... او... شو بتشوفو العقل شو بحكي هون ؟؟؟ خلو القلب ع جنب بس العقل شو رح يقول ؟؟ الدين شو رح يقول ... الواقع عرفنا شو بقول وحكي الناس بس الدين والعقل شو بقولو ؟ بتمنى ايمن و لورد يردو ولو في بنات الهم رآي بالموضوع بتمنى هم يحكو كمان |
رد: الشرف ...
ليك يا سيد حمود
منبلش باول شي انت حكيتوا انه يمكن فيها ظلم ونغير هي العادات لشو بدنا نغيرها ؟ نغيرها منشان نفتح مجال مجال لشباب والبنات يعملوا هيك شي وبالهن مرتاح ومتطمنين ؟ اغتصاب ولا برضاهن اذا تغييرت هي العادات استباح الشرف وماعاد اله قيمة نغيرها لشو انه عادي اذا صار هيك لازم نسامح ؟ ياسيد حمود اذا هي العادات اتغييرت انتزع المجتمع وصار فينا متل اوروبا راحت الاخلاق وانعدمت القيم تاني الشي بالنسبة انه نقتل البنت لانه خبت اي رح تنقتل خبت خوف او خبت مدري ليش هي بالنهاية خبت علينا الظاهر وربنا بيحاسب عالنوايا بالنسبة الي انا كاشب ولو كنت بحبها رح اتركها وماني مجبور اني ارتبط فيها مو لعيب فيها وبس كمان انا كاشخص كاروح كنفس رح ارفضها ورح ضل انظرلها نظرة مو تمام كل العمر لهيك انا كشب بعاملها باخلاقي وبقلها يابنت روحي انتي بطريق وانا بطريق لا انا عرفتك ولا انتي حكيتيلي شي وبتنتهي القصة بالنسبة انه نحط حالنا بهيك موقف واختي اجت تصارحها بحلفلك برب الكون لا احرقها حرق هي وابن عمي الناس شو رح تقول ؟ واحد غسل شرفه والقصة هون بتتسكر وعم احكيك عن شي عشته وصار بضيعتنا اما انه تسامح او تزوجهن لبعض هون رح يصير سيرة شرفك على كل لسان وكل ماتشوفها الناس او تشوفوني رح ينظرولنا باستحقار لا اختي رح يقولو هي العايبة والي رح يقولوا ماني رجال هي العقل وهي الدين وهي القلب وهي كلشي هيك بيحكي ربنا بيقول ولكم في القصاص حياة وفهمك كفاية |
رد: الشرف ...
طيب احنآ ك مسلمين شو الي لآزم نمشي عليه ؟؟
التقآليد ولآ دينآ الاسلامي ؟ والسنه النبوية ؟ الدين الاسلامي حكآ حاكموآ و آرجموآ الزآني وليس المزنى عليه .... |
رد: الشرف ...
اقتباس:
وجاوبتك انو بغض النظر صح كلامك او لاء بس هي وجهة نظر غالبية المجتمع وبما انك حطيت الدين والقصاص بالموضوع فرح جاوبك وئلك غلط غالبية كلامك ومابصير من وجهة نظر الدين الي انت حبيت انك تخضع ئلو فوق عم تقول ليش لنتخلى عن العادات وقتا بصير الشب والبنت يتصرفو على كيفن وكانك مفكر انو اذا عارضناك بوجهة النظر فنحنا نبيح المحروم او نتساهل فيه لا ابدا والعياذ بالله لكن نحنا مسلمين ومابهمنا شي اسمو عادات وتقاليد تتعارض مع الدين أي عادات وتقاليد من منطلق الدين اهلا وسهلا واي عادات وتقاليد تخالف الدين فلازم تنحرء هيك عادات من اصلو الحكم الشرعي واضح بهالامور مو بس ناخد كلمة من الدين ونقول الحياة قصاص ونوقف الزاني والزانية بالاسلام ان كانوا غير متزوجين فالجلد هوة العقوبة واذا كانوا متزوجين فالرجم حتى الموت وعلى الملأ الي بدو يحكي ويعلك ويعاير في الف عار راكبو الجلد والرجم حد من حدود الله وضعو ليتطهر الانسان من ذنوبو وجهة نظري انا غلط ايضا انو لو في قتل تقتل الام مافي شي بالدين بقول تقتل الام او الاب الشب المرتكب للاغتصاب يقتل طبعا وله حكم خاص بانه مفسد في الارض فتقطع يده اليمنى مع رجله اليسرى او العكس يده اليسرى مع رجله اليمنى ويصلب شرع الله في الارض واضح وبدلائل واضحة اما العادات نقتل فلان وعلتان اجى الاسلام ونهى شي اسمو التعصب والجاهلية وشغلة غسل عار وقتل على ابو جنب هي قمة الجاهلية الي نهاها الاسلام ووضع قوانين واطر الحياة اذا بتنظر وتتمعن منيح بقوانين الدين ترى مو بعيدة عن كلامك ينقتل الشب حتما لازم ينقتل اذا مغتصب اما البنت اذا غصب عنها فالاسلام أمر بالستر عليا وهيك لازم تضرب تحية انت وتقول حاضر هكذا امر الله ولاتجادل بحدود الله ان وضحت امامك وفي نااااااس كتير بتحب السترة بالدنية حتى يستر عليها الله بالآخرة وحالات كتير صارت مافي وقت لذكرها أي جانب غلط باجابتي ئلي لنكفي حكي وشكرا الك طبعا لإجابتك الصريحة والواضحة |
رد: الشرف ...
اقتباس:
ليك حمودة في شي غير منطقي انو بعمر ست سنين او سبعة او تمانة تغتصب البنت يا اخي هالشي مستحيل يتخبى في آثار وقصص مارح تفهمها بنت بهالعمر هاد ورح تمرض لذلك في فرق بين الاغتصاب والتحرش اذا اغتصاب والبنت فقدت عذريتها هاد هوة محور كل كلامنا ونقاشنا السابق اما اذا تحرش بدون مايصير شي اكبر وماحدى عرف بهالعمر وضلت البنت مخبية فلازم تسد حلقها وتسكت للابد مافي شب رح يقبل او اهل يتقبلو لذلك تستر على نفسها وتكتم وتسكت هاد الحل الاسلم لانو لو عرف حدى رح تروح فيا بالنسبة لسؤالك انو لو اخت حدى صار معها هيك واجت قالتلي صدقا بدون مزح ورغم تعصبي للدين رح ادبحا وادبح الي عمل هيك قبل مافكر بالصح والغلط بعرف انو غلط وحرام ورح اتعاقب بس هيك مواقف صعبة وتقيلة ومافي حدى يتحمل نفسوا الله لايوقع حدى بهيك موقف لكن الامر صعب وفي جانب تاني من القضية متل ايام الفتوحات الاسلامية وقت يستعيدو مناطق من الكفار ويكون في اغتصاب للنساء المسلمات من قبل الكفار كان وقتها امير الجيش يؤمر انو الي بدو يتزوج ويستر على الفتاة المغتصبة لانو مالها أي ذنب فيروح يتزوج وبهالحالة ياحبيب يستر المرء يوم الدين وهاااااد الي نحنا عم نسعالو وهوة رضى الله والنجاة من العقاب مجرد انك تستر على شخص فهاد شي عظيم وكبير عند رب العالمين |
رد: الشرف ...
يعطيك مليون عافية حمودة ع هيك موضوع
قرأت ردودكم كلها البعض بوافقو والبعض لا الي رجعة ان شاءالله تعالى |
رد: الشرف ...
يالورد ياصاحبي ما احسنك
ب يس بدعيلك الهي يحصنك شبك عم تشلف طابات شمال يمين سماع لقلك انا لهلئ ماحدا منكن عم يقنعني شلون العادات بتخالف الدين ببلدنا تربينا انه الجار يحفظ جاره يحفظ عرضه وماله ويوصلو ويزوروا والدين امرنا هيك ببلدنا تربينا انه عرض جاري عرضي والي بيتعدا عليه بيتعدا علي كمان تربينا عالمحبة وحب المساعدة يعني نحنا كحارة ماكنا نترك بعضنا لا بشدة ولا فرح ومو بس مصايب اذا جار كان يجيب كياس مايقدر يحملها لحاله نركد نحمل معه اذا جار عم يشتغل شغلة نركد نحط ايدنا معه تربينا انه نحترم الكبير ومانقسا على الصغير تربينا على حب الاهل واحترامهن وهي كلها عادات كانت وهي كمان دين تربينا انه البنت عورة وبالدين البنت كمان هيك تربينا انه الحجاب واجب والسترة واجب وهي عادات مو دين تربينا على كتير قصص كانت عادات وهي كمان دين لاحدا يقنعني انه العادات غير الدين بعمرها الشهامة والاخلاق ماكانت بعيدة الدين لانه دينا ين الشهامة والاخلاق منشان موضوع حمود والحكم شرعي وشو بصير ومدري شو حكيتلك بالتفصيل الممل نظرة المجتمع وحكيتلك نظرة الدين كمان الزاني والزاني يرجموا حتى الموت والبنت اذا خبت وماحكت صارت بحكم الزانية والشب لازم يقتل اما اذا حكت وهي صغيرة فلازم الشب لحاله ينقتل هي العرف والعادات والدين في حديث عن الرسول بيقلك لايحل دم مسلم الى لثلاث الزاني والنفس بالنفس وتارك الجماعة فلا تفتلي بقصص وعزمان الفتوحات ومدري شو سمعت انت عن زمان الفتوحات قصة او رواية ضعيفة او قوية صحيحة او غير صحيحة انه حدا من الصحابة او التابعين او او لهي الوقت تزوج زانية ؟ فيني هلئ احكيلك غير هالحكي وقلك حرام ومدري شو بس انا مابعرف احكي غير الصح او الي بنظري صح وبنظر الاغلبية صح وفي نقطة منشان انه اذا التغت العادات ضاع المجتمع اي رح يضيع ورح ينحرف ومابدنا نروح لبعيد طلع عالبلاد الي حواليك بتعرف كلامي |
رد: الشرف ...
اخي ايمن في تلت نقط للرد عليك
اولا عن العادات والتقاليد قلتلك اغلب العادات تخالف الدين وانت جبت شي وتركت كتير شغلات اذا بدي عدلك العادات المخافة للدين مارح خلص عد للصبح بكفي انو مقولة (انا واخي على ابن عمي وانا وابن عمي عالغريب) هي مقولة منافية للدين كلمة المرحوم الي بتنكتب على شاهدة القبر حرام واصلا شاهدة القبر نفسها لاتجوز وهي تعتبر عادات وتقاليد قراءة الفاتحة على روح فلان من العادات والتقاليد وهي بدعة لم ترد في الدين ومخالفة للدين بدك ابسط من هيك شغلات؟؟؟ لذلك اخي بهي النقطة لهون منكتفي لانو مو كل العادات مخافة للدين وانما اغلبها واهمها هوة القتل بغير حق لو حدى اغتصب مسكينة مالك حق بقتلها تاني نقطة لازم تفرق بين الزانية والمغتصبة هي فرق كبييير والخلط بينن عيب بالعادات والتقاليد ومخالف لشرع الله الزانية هي الي بتزني برضاها الاغتصاب شي غصب عن الشخص مو برضاه فهي مجني عليها ومستضعفة ويستوجب نصرتها والوقوف معها والانتقام لها مجرد تخليك عنها فانت دخلت بناقض من نواقض الاسلام والله العليم التجني عليها بخليك تخرج من الملة النقطة التالتة اخي مع احترامي في قصص عن الفتوحات والزواج والمسيار والستر بكتب وروايات كتير ومليان قصص عن الي تزوجو للستر على الاعراض لذلك خلينا نحصر كلامنا بموضوع العادات والتقاليد وماندخل بالدين اكتر لانو الاختلاف بالعادات والتقاليد اسهل و مافي اثم لو أخطأنا بالنهاية اخي اهم شي تفرق بين الزانية والمغتصبة الزانية تستحق القتل ان كانت متزوجة والجلد ان كانت عازبة والمغتصبة تستاهل كل النصرة والدفاع عنها والانتقام لها والستر عليها شتان بينهما |
رد: الشرف ...
بعدت كتير عن المضمون معلم
وبلشت تخلط بين العادات وبين البدعة الي زكرتهن بدع قرائت الفاتحة ولا زيارة قبر ولي ولا ولا العادات هي الشي الجميل الي مافيك تعيش بدال لما تقول عادات يعين عم نحكي عن شي ما ارتبط ببدعة ولا ارتبط بشي مانو حلو لما نقول عادات يعني شهامة ورجولة لما تفتح بيتك لضيف وتعاملوا ك انه صاحب البيت هي عادة لما تساعد ختيار ليقطع طرق او تساعد ولاد اذا وقع بالشارع هي عادات منهن ببلش مفهوم الغلط لما نخلط بين البدع وبين العادات |
رد: الشرف ...
بمجتمعنا الشرقي الذكوري المراة عيب تغلط والشاب يغلط لان الشاب مايعيبو شىء حسب رأيهم وان غلطت البنت يقام عليها الحد وتقوم قيامتها وتبدى دروس التوعية والسرد والعيب والحلال والحرام مجتمعنا الشرقي قاسي والرجل الشرقي اقسى الا من رحم ربي اللي بقلبهم شوي رحمة وتعاليم دينهم لساتها مزروعة جواتهم المراة بتغلط مثلها مثل اي رجل بس الحكم هون من يصدرو اكيد رجل وعمر ماكان حكم الرجل رحمة على غلطة عملتها ناقصة دين وعقل مثل ما يسموها.. وان غلط الرجل وسرق ونهب ويمكن قتل يمكن وربى بس لحية هون اصبح من الناسكين المحترمين واللي عليهم النور والتقوى فعلا مهزلة ...الموضوع شائك هون الحل هو التربية الصحيحة بالبيت .. الحل هو البيت والبيت يشمل الام والأب ..التربية الصحيحة هي الحل ومافي غلطة ذكرية وغلطة انثوية سلام |
رد: الشرف ...
هناك فرق بين الزانية والعياذ بالله وبين البنت المغتصبة
لارجع اقرا الموضوع تاني لانكم شتتو الفكر |
رد: الشرف ...
اقتباس:
ورجعنا للموضوع ويعطيك العافية اخي حمودة برأيي هذه قضية أزلية , النقاش فيها لاينتهي ولن نصل الى حلول يتفق عليها الجميع لانها مشكلة مجتمع برمّته تتوارثها الاجيال جيلا بعد جيل ولحل مثل هكذا مشاكل نحتاج لما يشبه المعجزة لاستئصال الافكار البالية المتجذرة في عقول الناس فنحن لانستطيع ان نُلقي اللوم على طرف دون آخر , فالجميع مشترك في تفشّي هذه المشكلة بشكل او بآخر. اول بوادر العلاج هي بالمصارحة والمكاشفة والاعتراف بوجود خلل يجب اصلاحه ثم الانفتاح ونشر الوعي وفتح ابواب الحوار على مصراعيه وعدم دفن رأسنا في الرمال مثل النعام والهروب من المواجهة. ويبدأ هذا الشيء من الاسرة الصغيرة الممثلة بالاب والام والابناء الى الاسرة الكبيرة وهي المجتمع على اختلاف طبقاته. وبالنسبة لقضية الفتاة الصغيرة أرى أنه كان لزاماً على الاسرة أن تحتويها وتستوعبها وتتفهم انها ضحية وانهم يتحملون جزءاً كبيرا مما حدث لها لتركها في مهب الريح وعدم توعيتها والقيام بواجبهم الكامل تجاهها. واذا كنت صديقة لهذه الفتاة فأنا انصحها اولا ان تتسلح بالعلم والمعرفة والاعتماد على الذات وتنمية شخصيتها , وثانيا اذا صارحت الشاب وتخلى عنها فأنصحها أن ترمي ذكراه خلف ظهرها وتمضي قُدما في حياتها لانه لايستحقها فلو كان رجلا لما تخلى عنها. وأنصح الشاب أن يتحلى بصفات الرجولة الحقّة وان يتفهم انها ضحية , ليست ضحية شخص واحد بل انها ضحية مجتمع مقيد بالعادات والتقاليد والافكار العقيمة , وان يضع اخته مكان هذه الفتاة فما المصير الذي كان سيتمناه لاخته ؟! |
رد: الشرف ...
أي يحرء اختو شو بغل
لانو الغبي راح نشر سيرتها على كل لسان وماخلى ستر مغطى الكلام الي قلتي منيح لو بالإمكان تقبل فكرة انو البنت مالها ذنب يجب ان نفرق بين الفتاة الزانية والتي تعرضت لشيئ قسري او لاتعرفه الزانية والله بجهنم مخرجها كل شي بصير فيها اما الفتاة التي تعرضت للقسر فيجب ان يستوعب موضوعها وهذا شرعا (من ستر على مسلم ستر الله عليه) وهذه عبرة رائعة للشيخ الدكتور راتب النابلسي حفظه الله تختصر كل الكلام [عزيزي الزائر يتوجب عليك التسجيل للمشاهدة الرابطللتسجيل اضغط هنا] |
| الساعة الآن 08:25 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
