منتديات تيرا الحب - عرض مشاركة واحدة

05-30-2016, 12:55 AM

اقتباس

[عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة سحابة صيف


	قرات الي كتبلا الياه وصارت تفكر طيب شو قلو ... شو رد عليه ... اممممم احسن شي دقلو وروقو ... ولو على حساب سعادتي ... لازم يكون مبسوط لانو الحب موبس كون معو ..... دقتلو ..................... وياريت مادقت ...... عزيزي المشترك ان الرقم المطلوب خارج الخدمة حاليا يرجى المعاودة لا حقا ..... هههههه .... لحق يغيرو ... العمى شو انا طيبوة وعلى نياتي .... قال شفقت عليه .... طلعت من غرفتا .... غسلت وجها من الكف الي حست انو بلش يصيحيها .... عملت فنجان قهوة ضحكت .... بس هالمرة كانت ... ضحكة انكسار .... ضحكة ممزوجة بقهر .... وقع الفنجان من ايدا ... قعدت عالارض و انهارت من البكي ... اجت اما عالصوت ... وشافتا بهالحالة .... من غير ماتسألا عن السبب ضمتا ... حطت راسا على كتفا وقالتلا ابكي بحضني ... من غير ما اعرف شوفيكي حاسي بوجعك ... بضعفك .... بانكسارك ... وهزيمتك ... ابكي هون بحضني بس لازم .... تكون هي اخر مرة تبكي فيها لان شو ماكان السبب ومين ماكان الي بكاكي سدئيني يابنتي مافي حدى بيستاهل دمعاتك اذا بدك تبكي ابكي لسبب واحد انو تتعلمي ما توثقي بحدا وتسلمي قلبك للي بيوعدك ..... ومابيقدر يوفي ....

نامي هلاء

وبكرى انتي رح تكوني أحلى وأقوى بنت

ليش ...؟؟؟ رح نروح ؟؟؟؟

يا أمي مابتحمل مابئدر شوف غيري معو

مافيني شوف احلامي عم تروح لغيري ... كلشي تمنيتو يتحقق مع غيري

ماعم سدئ يا أمي ...

معئول لهون وصلت معو انو يعزمنا ...

( ياترى هوة بيعرف انو امه عزمتن او لاء )

قومي نامي وارتاحي ومتل ماقلتلك بكرى بدي اياكي تكوني

أقوى صبية