كل الصراحه مع ليش لاء ..

جواب حلو ودقيق وبالاخص موضوع عدم توعية الأهل للفتاة بموضوع الحجاب

فاحيانا اساليب الاهل بالاكراه تنفر الفتاة وهذا خطأ شائع

قلتي شهد ايضا بان الحجاب ليس دليل عفة وانما الجوهر

وانا براي الجوهر والحجاب كلن يكمل بعضه

والفتاة بدون حجاب وجوهرهن طيب واصيل لايكمل جمالها وكمالها الا بارتداء الحجاب

فهوة كبيت حامي وحاضن لجوهرة ثمينة

لورد انا قلت يجب الحكم من الجوهر والمظهر

ومن وجهة نظري الجوهر اهم لانه يصبح من السهولة جدا تغير المظهر في حال كان

المنبت طيب والبذرة صالحة

وينكم ياصبايا ما سمعنا رايكم

بعتقد انو موضوع مهم وبيحتاج لكتير من النقاش وعرض لوجهات النظر

أولا ماذا يعني لك الحجاب .................؟؟؟؟

شُرع الحجاب اساسا صونا للمرأة وحماية لذاتها وانوثتها وجمالها
من نظرات الطامعين والعابثين وذوي النفوس المريضة, ولكنه في الآونة الاخيرة تحول الحجاب
لذى بعض الفتيات والسيدات الى مايشبه الظاهرة التي لاتمت بصلة الى الاساس الذي شُرع من اجله الحجاب

نلاحظ هذه الأيام من يلبسنّ الحجاب للموضه .... وآخريات من أجل تكملة الزينه وأخريات .... يعني يناسب لون بنتالها الضييييق أو تنورتها القصيره أو يناسب مكياجها أو منشان تبيين رقبتها أو أو أو أو أو ..... إلخ
ما رأيكم بهذه الأنواع من الحجابات .......؟؟؟؟

من ارادت ان ترتدي الحجاب فعليها الالتزام بإرتداء الزي الاسلامي او مايسمى الحجاب
حسب ماهو مطلوب شرعا دون الإنجراف وراء هذه الانواع الدخيلة المزعومة بأنها حجاب

هل الحجاب أصبح وسيله للموضه ولفت النظر والإغراء أكثر ....؟؟؟؟

عند البعض نعم,, ممن يرتدينه لتقليد الاخريات دون ان يكون لديها دافع حقيقي او ايمان بمبدأ الحجاب نفسه

وهل الموضه أصبحت معتمده كل الإعتماد على الحجاب .............؟؟؟؟ أم ماذا ............؟؟؟؟

هناك للاسف من جعل من الحجاب موضة ما انزل الله بها من سلطان
ولايقبلها عقل ولا منطق ,, بحيث اصبح الحجاب الذي من المفترض ان يكون حشمة وسترة
وسيلة لجذب ولفت الانظار ونوع من انواع الاغراء والعياذ بالله


يعطيكن العافية ع هيك موضوع هادف

السلام عليكم

اكيد انا طووولت الغيبة بعرف والله

كيفكم ياجماعة اول شي انا اخترت هل الاسم لانو بيعجبني وانا اللي ئلفتووو وكتير بحبو بحسو من شخصيتي وتاني شي بلنسبة ل ليش لاء انا كتير بحب الاسم لانو بكره الاء



وبنسبة لموضوع الحجاب انا بحس متل ما قلتو صاير موضة بس بنسبة للبنات مفروض يفتخرو فيه كتير وانا بفتخر بلبسو و اكيد الحجاب قلو شروط واكيد الوحدة لازم تكون متسترة وربي يهدي كل البنات


وموضوع كيف بشوف حالي الحمد الله انا متصالحة كتير مع حالي بيعجبني تعاملي وشخيتي مع الناس واكيد لو كان عندي صديقة متلي مارح اتركها ابدا مو مدح والله بس اللي بيعرفني رح يقول هيك كلام





وشغلة تالتة ليش انتو احزان وجروح وهيك شغلات انا مابحب اشوف حدا زعلان او مجروح ونصيحتي للكل لا توثقو بحدا وخلوا مفتاح قلبكم بايدكم ولا تعطوه لحدا وبتسسسسموووو

اهلا وسهلا بملكه الارض وبجد طولتي وافتقدناكي

كما تعلمون بأن الزواج هو رباط مقدس يجمع بين الرجل والمرأة ويكون مبني ع المودة والرحمة

سؤالي من واقع الحياة : في بعض الاحيان يدفع النصيب للارتباط بشخص لانكن له بأية مشاعر
وهذا الارتباط يكون بإرادتنا لمحاولة نسيان شخص اخر كان في حياتنا مسبقا ,, ونود أن نكمل حياتنا بهدوء
وهناء وسعادة متمنين ان نشعر ونحب الشخص الذي جمعتنا به الحياة !!
ولكن رغم محبة هذا الاخير لنا وقيامه بتقديم وتوفير كل سبل الراحة بما فيها الحب والاحترام , الا اننا لم نتمكن من مبادلته الشعور نفسه , ولم تعد للحياة طعم .

السؤال : ماهو رأيكم من زواج الفتاة بإرادتها بشخص لاتكن له بأية مشاعر رغم حب واحترام الطرف الاخر لها ؟؟

حلوو السؤال

لي رجعه لهون ان شاء الله لفضي هالراس من الشغل

وبانتظار رأي البقية
يلا صحصحو وتعو نتحاور ^^

السؤال : ماهو رأيكم من زواج الفتاة بإرادتها بشخص لاتكن له بأية مشاعر رغم حب واحترام الطرف الاخر لها ؟؟

الجواب على سؤالك انين انو مو دائما بيكون الحبيب هو الزوج ولا بالضرورة تكوةن

مواصفات الجبيب تتوافق مع مواصفات الزوج المستقبلي ولهيك اغلب الاحيان

بيصير الفراق بين الحبيبين وقت بتوصل العلاقة لمرحلة الزواج وغالبا بيكونو الاهل هنن السبب

مع عدم قدرة الطرفين لتقدير الاسباب وفهمها وممكن حتى الشعور بالظلم من قبل الاهل

والمجتمع

ولكن في هذه الحالة عندما تقرر الفتاة الارتباط بشخص تاني اول الشي لازم تكون

انتهت بشكل تام وقطعي من قصة العلاقة بالحبيب وشفيت من كل اثار وتبعات هالعلاقة

وحتى المشاعر اللي بقلبا اتجاهه خفتت وصار مجرد ذكرى بقلبا لاتمر دائما عالبال

وتوجه كل مشاعرا واهتماماتها للزوج الي من المفروض انو يصير هوة الزوج والحبيب وكل

شئ بحياتها صح ممكن ماتوصل الفتاة لمرحلة الوله او العشق ولكن العشرة

والايام والاطفال هي الكفيلة بان تجعل الحياة سعيدة وتستمر بهدوءوتبتعد عن المقارنة

بشكل قطعي بين الزوج والحبيب لان الزوج واقع والحبيب هو مجرد حلم لم يكتمل


اما وهون الاهم انتي من خلال المقدمة على السؤال قلتي انه الزوج كن لها كل الاحترام

ولكن هي لم تستطع مقابلة مشاعره بالمثل ولم يعد للحياة طعم

هون خليتيني اصفن كتير وفهمت من كلامك انو اصبحت وكأنها تعيش بجسد

معه وروحها مازالت معلقة بمكان اخر واذا هيك متل مافهمت من كلامك فهاد الشئ

مرفوض رفض قطعي ولا يجوز واشتم من خلاله شئ من الخيانة لنفسها اولا ولزوجها

ثانيا وحتى لمن كان حبيبها ثالثا

سؤال حلو وصعب انو نجاوب عليه لانو لو صار هالشي وعشنا هالتجربه ممكن نعرف شو الحل وومكن لاء

راح جاوبك بنأءا ع اني حطيت حالي بهالموقف ,,,

السؤال : ماهو رأيكم من زواج الفتاة بإرادتها بشخص لاتكن له بأية مشاعر رغم حب واحترام الطرف الاخر لها ؟؟

ان كان باردتها برائي تكون قد الاختيار وتحاول جاهدا تتخلص من الماضي وتكرس جهدها لتقبل الواقع والتعايش والعشره بتولد الاحترام مابقول الحب لانو القلب ما النا سيطره عليه ..كتير اشياء بتدخل وبتجبر الواحد انو يختار قرار مانو مقتنع فيو بتاتا ف هون ان كان هالشخص مجبر ع هالشي ممكن يتوجه اول اشي لله ويسالو ويفكر بعقلانيه بينو وبين حالو يحط عده احتمالات مشان ما يضيع حياته وحياه الشخص الثالثه ..وان ما صار مع الايام والعشره اي تفاهم وتقبل الطرف التاني وان كان لسى الشخص القديم بالبال والقلب هون صحيح ابغض الامور الطلاق والانفصال بس ان كان الحل الانسب تجنبا ل مشاكل وتعقدات اخرى ..

اغلب حالات الحب لا تنتهي بالزواج حتى اشهر قصص العشق لم تكلل اي واحدة بالزواج

من انطونيو لعنتر لقيس لروميو ولامرؤ التيس حتى جاك وروز بالتايتنك وصولا لجدي الأزعر


فاذا الواحد بحب شخص وشائت الظروف عدم الارتباط وماصار نصيب فهالشي مو يعني انو نعيش على الأطلال

وتنحط الدمعة بالعين والحزن بالقلب

اي شي ممكن نفقدو رح نحزن عليه وكتير
فشلون لو كان حبيب معبي علينا الدنية اكيد هلشي صعب وقاسي

لكن شو ذنب الطرف التالت؟؟ اذا البنت رح ترتبط بشخص تاني
وبودها وبكنلها الاحترام هالشي بيفرض عالبنت تمسح الماضي بحذافيرو

وتعيش لاجل هالشخص الي بكنلها هي المشاعر الحلوة
هيك بيفرض علينا الدين والاخلاق والاصول وكل شي

والعشرة بعد الزواج كفيلة بدخول الحب العارم للقلب

برأي الشخصي الحب الكبير والحقيقي بعد الزواج

حلو الشخص يحب ويعيش قصة ويسعى بكل جهدو للارتباط
لانو الحب بلا ارتباط هاد علاك وتسلاية وتمضاية وقت مو حب ابدا

ان سعى الشخص للارتباط باللي بحب وقتها رح تنعاش القصة باحداثها الحلوة

ان صار نصيب حالات قليلة جدا جدا جدا رح يستمر الزواج

هاد عرف مجتمع واللي معاشرين الدنيا طول وعرض رح يوافقوني على هالنتيجة


لكن من الحالات النادرة الي بيتكلل الحب بالزواج ويستمر النجاح
رح تكون الحياة قمة بالتفاهم والسعادة

لذلك انا ضد انو نعيش على الهامش مع زوج او زوجة المستقبل

لازم يكون في قصة حب وعشق وغرام وكل شي بيخطر ومابيخطر عالبال

وبالاخص ان كان هالشخص عم يقدم مشاعر حلوة ويكن مودة واحترام

غلط واكبر غلط ومابصير تعيش البنت او الشب
على ماضي محرم وكره ومقت مستقبل موجود ومحلل

حب حلالك بتكبر سعادتك وبزيد مالك