12-20-2011, 12:19 PM | #49 |
|
ياجماعة الزلمة عم يحكي انو صديقو خانو
وهو ترك الشغل وخلص بس لازم يحكي مع خالو ما معئول انو يبئى ساكت عالاقلية بيفهم تصرف خالو ويفهمو موقفو ما معئول انسحب وضلني ساكت هيك بكون عم سبت ع حالي شي الشغل مابئى مهم متل ماحكت عبير الله الرزاق بس هي اسمها رد كرامة والله مااحلاني حدن يتهمني بتهمة مامنيحة وبسكت اول بسبت برائتي ونزاهتي وبعدين مابرجع للشغل وبضل الاحترام قائم بيني وبين خالي لاني مابنكر الجميل انو يوم من الايام ساعدني وشغلني معو انا هيك رايي ومابعرف لوكنت مكاني شو رح تعمل؟؟ |
🌷🌷🌷🌷
|
12-21-2011, 08:15 PM | #50 |
أحسن واحد بالعالم
|
اي نعم صديقي خان والي مزعج اكتر من هيك انه خالي صدقو
الي صار معي بتفصيل حاولت خلي خالي يشوف الحق ويشوف كيف عم يسرقو بس هو كان مغطي عيونو وماشاف شي تركت خالي ونتقلت لمدينة تانية بعد شهر بزبط بيتصل فيني خالي وبيحكيلي ارجع عرفت انك على حق ما استنيت لحتى يكمل كلامه انهيت كلشي بيخصني وبيربطني فيه انتهت علاقتنا وخسرنا بعض وهلئ من حوالي سنتين او اكتر ما منحكي مع بعض ومابدي نرجع نحكي مع بعض حتى امي انهت علاقتها باخوها هي الي صار بتنى الكل يتعمل مني وهلئ الي بدو يحط قصة يحط |
|
12-22-2011, 04:39 PM | #51 |
|
لا اله الا الله
لو صابر القاتل على القتيل لحظة لما قتله ربي يوفئك اخي والحمد لله الي عرف خالك واعترف ببراءتك احترامي |
|
12-25-2011, 12:30 AM | #52 |
|
السلام عليكم
شو وين الئصة الجديدة بعدنا ناطرين |
|
12-25-2011, 01:23 AM | #53 | |||||||||||||
عدد الترشيحات : 3
عدد المواضيع المرشحة : 2 عدد مرات الفوز : 1
شكراً: 3,624
تم شكره 3,135 مرة في 1,857 مشاركة
|
في شغلة هون اخي رامز
انو مافيك تقطع علاقتك بخالك نهائي ولاتخلي امك تقطع علاقتها باخوها اد من كان بعيد عن الحق او اكل مالك او ظلمك هاد اسمو قطع صلة رحم وهالشي مرفوض بالدين الا اذا كفر بربو بتقطع علاقتك في العفو عند المقدرة ونصيحتي الك كاخ خلي ولو مجرد سلام بينكن دون قطيعة نهائية وانت بادر بوصل الرحم وقَالَ رَسُولُ اللهِ صَلَّى اللهُ عَلَيْهِ وَسَلَّمَ: «الرَّحِمُ مُعَلَّقَةٌ بِالْعَرْشِ تَقُولُ: مَنْ وَصَلَنِي وَصَلَهُ اللَّهُ، وَمَنْ قَطَعَنِي قَطَعَهُ اللَّهُ» رواه مسلم. وقَالَ رَسُولُ اللهِ صَلَّى اللهُ عَلَيْهِ وَسَلَّمَ: « وَمَنْ كَانَ يُؤْمِنُ بِاللَّهِ وَالْيَوْمِ الآخِرِ فَلْيَصِلْ رَحِمَهُ » رواه البخاري. اخي صح نحنا قلوبنا قاسية وانا واقع بنفس مشكلتك وماحكيت مع عمي من اكتر من سبع سنين وحتى اني منعت اهلي يتواصلو مع بيت عمي و بالظروف الاخيرة صار في حكي بس ما رديت منعت اهلي وئت اتصلت امي وسالتني خليت المجال مفتوح للرجعة وانن يحكو عادي وانا ضل برة القصة لارجع وبصراحة هالشي بخوف وغير صحصح واحيانا بلوم حالي ممكن كل صلاتك ودعائك وصدقاتك ماتفيدك اذا قاطع صلة رحم وانت مابتعرف العاقبة تتفاجئ يوم القيامة وانو الشباب الطيبة عم يقولولك شرف هجهنم اي ولي على آمتي مابتوقع خالك من النوع المستاهل تفوت عالنار مشانو واهم شي الحجة الله يخليلك الياها بيكفي انو اخوة هاد رايي وبتمنى تفكر وتتمعن منيح بكلامي |
|||||||||||||
التعديل الأخير تم بواسطة LORD ; 12-25-2011 الساعة 01:31 AM
|
12-26-2011, 01:09 AM | #54 |
أحسن واحد بالعالم
|
والله يا لورد هو ماخلا مكان لرجعة او الصلح
نحنا حقنا مابيضيع في الله ومنشان الحجة بتحب تروح تزور اخوها هي اخوها وكلنا بامرها بس اما نحنا كشباب خلصت بينا |
|
12-26-2011, 01:41 AM | #55 |
|
الله يهدي الجميع
|
إبَتَسمـي ، فَُـ فُي عٍيّنيڪ لُِمعٍآنِ قٌِبَة آلُِصخـرٍة
إبَتَسمـي ، لُِعٍلُِ آلُِحٍرٍبَ تخـجٍلَُِ ، لُِعٍلُِهـآ من جٍمآلُِ إبَتسمآتڪِ ترٍحٍلُِ ! أمـ♥̨̥̬̩ي |
12-28-2011, 08:46 PM | #56 |
أحسن واحد بالعالم
|
وين القصص
شو بس انا معاني بحياتي ؟ |
|
12-28-2011, 08:55 PM | #57 |
|
ههههههههههههه
والله يااخي في معاناة وئصص كتيرة بس حابين نسمع ئصصك اول وبعدين بيجينا الدور |
|
12-29-2011, 07:02 AM | #58 |
أحسن واحد بالعالم
|
قصة اليوم مو غريبة على حدا
انتو عايشينها معي كنتو معي بدايتها وهلئ معي كمان بنهايتها قصة اليوم قصتي مع منتداكم قصتي اليوم قصة قلب ومشاعر حبيت بنت هون الكل بيعرفها حبيتها من قلبي حبيتها اكتر ما تتصورو مابحب احكي الظروف لاني مابئمن بالظروف شوية خلاف بسيط او مو خلاف يعني كانت قصة صغيرة يعني ماعم اتخيل ئلها وصف من صغرها المهم تركنا بعض تركنا بعض بالاسم بس يعني روحنا معلقة ببعض وقلوبنا عند بعض وهيامنا لبعض مبارح حبيت انهي الي صار وحبيت انهي عذابنا حكيت معها وقلتلها راجع الك بتقبليني ولا بترفضيني قالت برفض سئلتها من قلبك سكتت ماجاوبت هلئ لو انتا مكاني شو بتعمل ؟ |
|
12-29-2011, 08:09 AM | #59 |
|
ولو انه مالي بهالقصص بس من وجه نظري
لو تعلم بيت اهلها روح واخطبها وانهي المسأله يا بالقبول يا بالرفض مو حلو الانسان يفضل معلق وع فكره البنت بس تحتار ما تقدر تقرر من حالها خصوصا اذا كانت تحت رعايه والديها او ولي امرها وكانت مطيعه ليه صعب تتبع قلبها |
|
12-29-2011, 11:59 AM | #60 |
|
اخي انا ئصة الخلاف الي صار بينكن بعرفها
هلئ الانسان بلحظة الغضب او العناد ممكن يوقف للتاني ع كلمة حتى لو هالكلمة ما مقصودة وبعرف انو هالبنت انجرحت وفهمت انو اي شي تاني اهم منها وخصوصا بعد ما هيه غيرت وجهة نظرها كرمالك من الموقف المؤيد للمعارض وكمان متل ماانت عم تتعزب هيه عم تتعزب وعم تحاول تعرف اي شي من اخبارك متل ماانت عم تعمل وانت بتعرف والكل بيعرف انو الحب شي كبير وما سهل انو يتنسى فاانا بتوقع انو هيه صار عندها شي من الخوف انو ممكن لو رجعتلك بصير موقف مماثل وترجع تحكيلها انو في شي اهم منها وليك شغلة الانتظار صعبة كتير وبتعزب كتير وخصوصا لو كنت منظر شي مجهول لهيك فضلت تتعزب مرة بدل ما تتعزب مية مرة وع فكرة الحب بائي بئلبك وبئلبها هيه كمان يمكن هيه عم تكابر بس قلتلك بسبب الخوف صار عندها تردد شوي وخايفة تتعلق من جديد وتصحى متعلقة بوهم وعايشة وحيدة انا لو مكانك بحاول اثبت من جديد انو هيه اغلى ماعندي لانو هيه اكيد ناطرة شي من عندك ولا تنسى انو البنت ما بتحب تقدم تنازلات كتير ولا حتى الشب بس لازم حدا يشد وحدا يرخي انتوا التنين عم تتعزبو وبالنهاية البنت هيه الاضعف ولازم عالشب يحسسها انها قوية اخي ما تياس انا بعرف رح ترجعو لبعض بس انت جرحتها يمكن مو حاسس بقوة جرحك الها ومفكر انك حكيت شي عادي ما بينزعل منو بس هيه انجرحت كتير لهيك لازم توقف معها وتحسسها انها اغلى شي عندك طبعا كلامي حكيتو لانها حكتلي الخلاف وما بعرف هاد رايي ياترى انت شو رح تعمل لو كنت مكاني ؟؟ |
|
مواقع النشر (المفضلة) |
|
|