10-03-2011, 03:51 PM | #133 |
|
أول الشي مساكن طيب معطر بذكر الحبيب
هلأ يمكن أنا كون جديد عالمنتدى صح ويمكن كون قريت 11صفحة منشان شوف المواجهة بأكملا وعند اللي وصلت لآخر صفحة بكتشف إني الشباب هنن نقطة الضعف يعني معقول ماضل عندكن أسئلة ولاااا يهمكن أنا هون وأجيت لحتى اسأل أسئلتي يعني بمعنى (قد فاض قلبي بالغيرة فجئتُ أشارككم بالسيرة) طبعاً إذا بتسمحولي إني كون طرف بسيط بمناقشة بنطوّر عقولنا فيا ويمكن الحلول يلي اكتشفتوا ويلي رح نكتشفا مع بعض مع ارتكاز بالأفكار وتنوع بالآراء رح تكون مؤونة للأيام الجاية من حياتنا هلأ أنا رح اسأل وبعتذر لأني عم أكتب بالعامية على غير عوايدي بس على ما أظن بإنّي هيك مناقشة بحاجة لبساطة السؤال كالآتي: الملاحظ هالأيام انو الواحد لما بيسألو حدا ايمتا بدنا نفرح فيك بيجاوب من وين يا حسرتي موضوع المطالب من جهة البنت وأهلها من دهب وبيت وسيارة ووظيفة متل العالم والناس وووووو يعني الشب طالع متخرج جديد من الجامعة وعم يسعى ضمن الشي اللي صاححلو وحابب يكمل نص دينو بس من وين بدو يجيب ويحقق كل هالمطالب -البنت لما بتطلب هالطلبات كلها مقتنعة انو هالشب اللي عايف حالو رح يحققلها طلباتها ولا هاد الشي تعجيز ولا شو؟؟ (ياترى البنت وأهلها عايشين معنا بهالدنيا ولا جايين من كوكب تاني؟؟!!) أنا بعادتي بسمع أكبر عدد من الأجوبة و وجهات النظر بعدين ببدي وجهة نظري وبجاوب عن سؤالي لهيك منتظر مواجهة قوية من الصبايا وشكراً الكن جميعاً |
سأجعل الزمان عبرةً تتكلمون بها عنّي
فقد رسمتُ فرحتي بيدي ونلتُ التمنّي |
10-03-2011, 03:53 PM | #134 |
|
أول الشي مساكن طيب معطر بذكر الحبيب
هلأ يمكن أنا كون جديد عالمنتدى صح ويمكن كون قريت 11صفحة منشان شوف المواجهة بأكملا وعند اللي وصلت لآخر صفحة بكتشف إني الشباب هنن نقطة الضعف يعني معقول ماضل عندكن أسئلة ولاااا يهمكن أنا هون وأجيت لحتى اسأل أسئلتي يعني بمعنى (قد فاض قلبي بالغيرة فجئتُ أشارككم بالسيرة) طبعاً إذا بتسمحولي إني كون طرف بسيط بمناقشة بنطوّر عقولنا فيا ويمكن الحلول يلي اكتشفتوا ويلي رح نكتشفا مع بعض مع ارتكاز بالأفكار وتنوع بالآراء رح تكون مؤونة للأيام الجاية من حياتنا هلأ أنا رح اسأل وبعتذر لأني عم أكتب بالعامية على غير عوايدي بس على ما أظن بإنّي هيك مناقشة بحاجة لبساطة السؤال كالآتي: الملاحظ هالأيام انو الواحد لما بيسألو حدا ايمتا بدنا نفرح فيك بيجاوب من وين يا حسرتي موضوع المطالب من جهة البنت وأهلها من دهب وبيت وسيارة ووظيفة متل العالم والناس وووووو يعني الشب طالع متخرج جديد من الجامعة وعم يسعى ضمن الشي اللي صاححلو وحابب يكمل نص دينو بس من وين بدو يجيب ويحقق كل هالمطالب -البنت لما بتطلب هالطلبات كلها مقتنعة انو هالشب اللي عايف حالو رح يحققلها طلباتها ولا هاد الشي تعجيز ولا شو؟؟ (ياترى البنت وأهلها عايشين معنا بهالدنيا ولا جايين من كوكب تاني؟؟!!) أنا بعادتي بسمع أكبر عدد من الأجوبة و وجهات النظر بعدين ببدي وجهة نظري وبجاوب عن سؤالي لهيك منتظر مواجهة قوية من الصبايا وشكراً الكن جميعاً |
|
10-03-2011, 04:02 PM | #135 |
|
بصراحة سؤال كتير حلوووو
وهاد الي صاير بأيامنه (الله يعين الشباب) هلا وجهت نظري انا انو مو كل العوائل بتطلب كل هالطلبات يعني في هيك وفي هيك بس الي بيطلبو كتير وفوق طاقت الشب هدوول بيكونو مابدهم الشب منشان هيك بيحاولو يضغطو عليه كتيررر مو شوي وهوي معتر وبعدين هني الي خسرانين هههههههههههه يعني بيضلو البنات عند اهلهم ه ه ههه ه ه بس في ناس بتفكر بطريئة تانيه يعني انو بدهم يضمنو حئ بنتهم وبدهم يشوفو مصلحتها ومابعرف شو يعني اصابع اديك مو متل بعض والناس كمان مو متل بعض فا الله يعينكم ويعينا هههههههههههه تحياتي.. |
Ł Ā Ŷ Ā Ŋ ʚϊɞ
|
10-03-2011, 04:21 PM | #136 |
|
تعرف هالموضوع انا ما بحب اناقش فيه كثير
وبستغرب من الناس الي بيطلبوا ذهب وغيرو احنا كطبع في عيلتنا واخواتي اغلبهم متزوجات ما بيطلبوا من الشب اكثر من قدرته اقصد المهر لانه يوم ما بيتدين راح هي البنت تحمل الدين معه وهمه ومو حلوه ال****ه تدخل ع بيت زوجها وهو عنده دين مثل السياره الي متاخذه بالتقسيط اذا الشب كويس واخلاقه كويسه وبيخاف ربي لي المغالاه بالطلبات حتى لو كان الشب غني اصلا هالشي ممكن يسبب مشاكل قبل الزواج وممكن يسبب فجوه بيناتهم وفي النهايه ولا شي بيفضل غير المعروف وبعدين الشب الي بيقول ما عندي هاد شب نفسه فيها نقص لانه مو كل البيوت مثل بعض اذا هذه رفضته بسبب قله يروح يدور ع غيرها والبيوت مليانه بنات ممكن يتزوجو باقل المهور وفي رأي الحياه مو لازم تكون كامله لان الكمال لله وحده والحياه اسهل مما انه نحنا نتصور بس لو اردنا تسهيلها لي عوده |
|
10-03-2011, 04:26 PM | #137 |
|
اول شي مشكور على اعادة احياء هالموضوع
وبوجه تحية لحبيبتي ليونة وربي يرجعها النا بالسلامة بالنسبة لسؤالك اخي موسى هالموضوع كتير منتشر متل ما حكيت ولازم نناقش فيه بطريقة جدية هلئ انا عن نفسي لو بدي احكي رح ئلك انو هالاشياء الي حكيت عنها ما بتهمني بس لو ئلتلك اهلي ما بينظرولها بعين الاعتبار بكون عم كزب الي صاير انو لما يجي الشب يتقدم اول شي ينحكا ورح احكيلك عن اهلي ما رح بعد اول سؤال عندك بيت ملك؟؟ شو بتشتغل؟؟ شو ورادك الشهري؟؟؟ انا من فترة تقدملي شخص وراتبو 40000 امي حكتلهم انو ما بكفي هههههههه يمكن هالشي بصير من منظور خوف الاهل على بناتهم يعني الظروف الحالية والعيشة الصعبة احد الاسباب انا رايي لو الاهل فكروا منيح اهم شي هو الدين والاخلاق يعني شو فايدة انو يزوجوا بناتهم لرجال عندهم مال بس ما عندهم اخلاق اكيد ما رح يرتاحوا معهم وبالنهاية الرزق من رب العالمين يعني المال بيروح وبيجي اما الدين والاخلاق ما بتنشرا ولا تنباع ع فكرة موسى حاليا بالي مشغول ما رح اقدر ركز منيح لهيك برجع رد مرة تانية كل الشكر الك اخي احترامي |
🌷🌷🌷🌷
|
10-03-2011, 04:42 PM | #138 |
|
أول الشي شكراً على مروركن ومشاركتكن بالنقاش أختي ابتسامة أمل وشامية و واثقة الخطى
وهلأ بندخل لصلب الموضوع يعني كل بنت بتحكي عن حالا وهي صفة حميدة إني البنات طلباتن محدودة وبس بدن أبن الحلال يلي يقدرن ويفهمن وأنا مع كل التأيد لهل الفكرة يعني شو بتستفيد البنت إذا خطيبا أمنلا البيت والسيارة ورصيد بالبنك و و و..... إلخ. ومالقيت السعادة يلي كانت تحلم فيّا مع إنسان يفهم مين هي هالصبية يلي عم تعيش معو , بعض يعني الشب والصبية على سبيل المثال والبنت رضيانة بالشب حتى لو كان عالحصيرة فأهلا رح يطلبو يلي ما طلبتو ومنشان هيك رح سمعكن قصيدة رثاها واحد من الشباب يلي عانو من هالرحلة الصعبة طبعاً بعد ما تقدم ليطلب إيد البنت يلي حبّا: وهي القصيدة ****************** أيا عماه يشرفني أمد يدي لكي أحظى كريمتكمْ وأن تعطوننا وعداً أتينا الله داعينا فإن وافقت يا عماه دعنا نفصل المهرَ وخير البرِّ عاجله ونحن البرَّ راجينا فقال: أيا ولدي لنا الشرف فنعم الأهل من رباك ونعم العلم في يمناك وإن العلم يغنينا وأما المهر يا ولدي فلا تسأل لأنا نشتري رجلاً وليس المال يعنينا ولكن هكذا العرف وإن العرف يا ولداه يحميكم ويحمينا فمليون مقدمها وأربعة مؤخرها وضع في البنك للتأمين عشرينا وبيت باسم ابنتنا وملبوس على البدن من الفستان للكفن و"مورانو" ـ وان صعبت فإن "البيجو" تكفينا وأما العرس يا ولدي ففي "الشيراتون" فشأن صغيرتي شأن سعادٍ بنت خالتها وهندٍ بنت عمتها وشيرينا فإن وافقت قلنا بارك الله وقال الكل آمينا فقلت له :ـ أيا عماه خللها وضعها فوق رف البيت زيتونا فلو بيديّ ربع المهر كنت اليوم قارونا أيا عماه أنا رجل بسيط في موارده ودخلي بضع ألاف وزادي مثل كل الناس أقول الحمد لله خالقنا وبارئنا وساترنا وكافينا أيا عماه أنا رجل أحب بكل إحساسي وقلبي ليس من ذهب ترى ان كان من ذهب أكان الحب يأتينا ترى هل يشعر الأنسان حين يكون خافقه من الألماس معجونا أيا عماه لماذا صارت الدنيا طريدَتنا وقد كانت بأيدينا لماذا نحن أصنام وكيف يحاور الأنسان حين يصير جبصينا خلقنا نحن من روح ومن طين نسينا روحنا حتى غدت في جسمنا طينا لماذا في مدينتنا يعيش المرء للعادات مسجونا وكيف يفكر الأنسان حين يكون مسجونا تطورنا وعدنا في تخلفنا لوقت كانت الأنثى تباع كأنها عقد فنخّاس ينادي هذه بكر وآخر هذه أحلى وثالث هذه اطول يعود التاجر الميسور منزله وفي يده اشترى امرأة وفروجاً وليمونا لماذا صارت الأنثى تساوم في أنوثتها فتعطوها لمن ترضونه مالاً وقال الله من ترضونه دينا أيا عماه عفواً إن تماديت ولكني عزفت الآن عن طلبي فلو كان الزواج بعصرنا عقلا سأمضي العمر مجنونا. **************** هلأ يمكن في مبالغة شوي بس بشكل أو بآخر واقع الأهل هيك صاير يعني بضلوا بيرفضوا وبيرفضوا وبيطلبوا طلبات تعجيز لحتى البنت تضل عم تزيّن بيت أهلا الله يسامح هالأهل, طيب هلأ بإمكانا نقول عن السؤال هادا فكينا رموزو الشائكة و وصلنا لنتيجة أو بالأحرى اتأكدنا أنو الذنب وقعان على عاتق الأهل أكتر من البنات وأنا متل ما شفت إني البنات عم يدورو على إنسان يفهمن ويقدر علمن ومعرفتن. وهلأ رح أطرح أنا سؤال جديد اللي هو: برأيكن ممكن تتزوج البنت أو تقبل تتزوج من شب مو متعلم حتى لو كانت جامعية؟ وبنظر البنات الشب يلي مو متعلم شو يعني فاشل أو ناقص أو بيختلف عن الطلاب الجامعين وليش كل الناس بشكل عام والبنات بشكل خاص بينظروا للشب يلي مو متعلم على أنو غبي مع العلم يمكن يكون هالشب يلي مو متعلم أقوى منن بالعلم أو في كتير أشيا عم يدرسوا ليفهموا وهو من غير من يدرسا فهمانا وعلى قولت الشاعر: أبو نواس فَقُل لِمَن يَدَّعي في العِلمِ فَلسَفَةً حَفِظتَ شَيئاً وَغابَت عَنكَ أَشياءُ يعني يمكن هالشب يلي مو دارس يعطين يلي ناقصن بالعلم هادا هو سؤالي لليوم بتمنى إني شوف جواب شافي بمعنى أنو تبرير موقف أو بتأيدو هالشي ولا لأ. وأنا بعرف إني كان في سؤال قريب لسؤالي بس سؤالي في شي جديد رح قولو بعد ماشوف أجوبتكن الأنيقة..... دمتم برعاية الله |
|
10-03-2011, 05:21 PM | #139 |
|
كمان سؤال حلو
هلا اكيد العلم كتيررررر مهم وبهالايام لازم الكل يكون متعلم بس العلم موبس دراسة واكل كتب لا العلم احياناً بيكون الشب عندو تجارب بالحياة وعندو علم بالحياة مو ضروري يكون دارس هلا كمان في ناس الها ظروفها حتى طلعت من المدرسة او ماكملت علم بس هاد مو دليل انهم فاشلين لا بس كمان في فرء مابين الدكتور والشب العادي يعني العلم حلو وخاصة للشب يعطيك العاافية خيو |
|
10-03-2011, 08:55 PM | #140 |
|
العلم يرفع بيتا لا عماد له والجهل يهدم بيت العز والشرف
العلم شئ مرغوب الي بيتعلم وبيحاول لياخذ مراتب عاليه هاد انسان مجتهد ولو ما نجح والانسانه بتحب ترتبط فيه ما دام يحمل خلق ودين مع هذا العلم بس طبعا انت ممكن تحدد السؤال تبعك وتقول يبنت الناس اذا اتقدملك شخص خلوق ومتدين بس واخذ الثانوي بس وشب ثاني عصبي او عديم الاخلاق ومتدين وعنده الجامعه من راح تختاري راح اقلك بختار الي عنده الثانوي لانه باخلاقه وطوله باله فيه يكمل الثانوي ونعيش براحه اكبر من الانسان العصبي الي علمه ما فاده ولا اثر فيه |
|
10-04-2011, 09:58 AM | #141 |
|
اول شي شكرا على القصيدة حلوة كتير عجبتني ههه
هلئ بالنسبة للهاد السؤال اكيد العلم شيء مهم وانا باعتقادي ما بتهم الشهادة انو جامعية او دبلوم او .. او... بس لازم يكون في ثقافة يعني متل ما حكت عبورة انو ثانوية اوك كتير منيحة وبرايي الشهادة الدراسية ما بتقيم شخص في كتير مع احترامي الكن بهايم ومهعن شهادات جامعية ما بعرف كيف حصلوا عليها وهني بهاد الغباء ههههه وانا بشوف الشخص ما بيقاس بهي الاشياء وانما باخلاقو وصفاته الحميدة وبرجع ئول العلم مطلوب بس مو شرط اساسي |
|
10-06-2011, 09:29 PM | #142 |
|
شكراً الكن جميعاً على آرائكن المميزة أمّا بالنسبة لوجهة نظري هي: رب العالمين خلقنا بنفس المستوى والحمدُ لله والفرق بين الإنسان والإنسان التاني بدون فرق؟كيف أكيد استغربتوا من حكي بالمختصر المفيد أنا بملك عقل وغيري بيملك عقل بنفس المواصفات وبنفس المعايير بس وين الزوائد ؟؟ الزوائد هي في شخص بالعقل يلي منحو يا ربنا عزوجل بطورو وبحسنو وبنمّي وفي شخص بالعقل يلي منحو يا ربنا عزوجل بكسرو وبفشلو وبصير هو معو فاشل, ومو كل إنسان ماكفا دراستو بكون مانو خرج دراسة بالعكس في كتير ناس تركت دراستا الفعلية بالجامعة أو بالثانوية أو بالإعدادية ووو....إلخ, وبنفس الوقت ماتخلو عن العلم والمعرفة وفي كتير أمثلة من هالأشخاص, وأنا عند اللي سألت سؤالي يمكن الكل فهمني غلط ليش لأني فعلاً خريجة جامعية مارح تأدر تعيش مع إنسان جاهل بالعقل والعلم والأهم من كل هالأشيا ما رح يقدّر مكانتا والأيام يلي تعبتا لوصلت لهل المرحلة بس عند اللي رح يكون هالأنسان على علم وحمل العلم من باب تاني وعند اللي رح يكون هالإنسان واعي ومقدر المرأة بكل معانيا بغض النظر إن كانت متعلمة أو لأ جامعية أو لأ برأيي رح يكون في تفاهم بس بعد جلسات وبعد ماتكون هالإنسانة الجامعية " فهمت أو اكتشفت محتوا هالشخص" يلي مو دارس, وهادا رأيي وكل الشكر الكن ورح انتظر الردود وبعدا رح أطرح سؤال جديد |
التعديل الأخير تم بواسطة موسى محمد موسى ; 10-06-2011 الساعة 09:33 PM
|
10-06-2011, 10:10 PM | #143 |
|
رأيك رائع بكل صراحه خيو موسى
والموضوع بجد رائع تقبولو مرورري |
|
10-06-2011, 10:13 PM | #144 |
|
رأيك رائع بكل صراحه خيو موسى
والموضوع بجد رائع تقبولو مرورري |
|
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
تحدي بين الشباب والبنات | شــمــس | تعالو نلعب | 204 | 08-23-2011 10:53 PM |
شاهد بالفيديو هيفاء تتعرض لموقف قبله ساخنه محرجة فى حفل ميوركس 2011 | شوف اون لاين | ابن سـوريا | حصريات | 0 | 06-25-2011 11:50 PM |
وزارة الشباب والرياضة تعقد ورشة تدريبية لتحفيز وتشجيع الشباب نحو العمل التطوعي | نديم الروح | حصريات | 0 | 06-15-2011 02:20 PM |
وزارة الشباب والرياضة تعقد ورشة تدريبية لتحفيز وتشجيع الشباب نحو العمل التطوعي | نديم الروح | حصريات | 0 | 06-15-2011 02:20 PM |
مكياج لحب الشباب مجياج لبنت عندها حب شباب في الوجه اخفاء حب الشباب حبوب بالوجه | ابن سـوريا | حصريات | 0 | 06-13-2011 09:21 AM |