لا تصلحين زوجة

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة ملاك الحريه السوريه عمو لورد علقولتك نساء هالزمان مافيهون هدول كاملين طيب ورجال هالزمان برايك كاملين ولو بنقطتين مو اكتر البنت براي بعد الزواج بتتعلم وممكن يطلع منها بس بالنسبة للشب الي بعد الزواج بفكر حالو خلص صار رجال وهو الامر الناهي يعني ليش دايم حاطين الضوء عالبنات

شايفي كيف دائما الاخطاء والاغلاط بتتحملا المرأة مع انه انا برأي انه الرجل هو

المسؤول الاول اب واخ وزوج

الفرس من فارسا

ياحسرتي عالرجال يعني هوة الغلطان اخر شي هههه

قلنالكن مادلخنا بالرجال حاليا


سحابة صيف بتعرفي عز المعرفة اني دائم التفاؤل بهيك مواضيع ولابد الخير مايظهر عالشر

وبنات الحلال اكتر من البنات الهاملة لحياتها

لكن اخر عشر سنوات دخلت علينا مفاهيم وشغلات انحرفت البوصلة الصافية القديمة

أي بنت خرجت من ضمن الاطار الي رح قلك عليه فهي لساتها من الزمن الجميل

فيس بوك..وتويتر..مسلسلات تركية..سوبر كلاب ستار..ذا فويس وسمعنا جعيرك..ستار اكادمي لقلة الحياء..

كل المحطات والبرامج اللبنانية حتى الاخبار (هي لحالها فسق اكبر)

واخيرا كل البنات الي بكيت بانتصار الفاشل محمد عساف والسنة التانية مابعرف انو حيوان اجى

هاد اطار ضيق واكيد عندك الوعي الكافي لتفهمي قصدي من هي الامثلة ولوين بتحرف توجه هالجيل

[color="magenta"]شفتي يا سحوبة دايما هيك الغلط علينا وكانو هما ملائكة من السما عموما انا بشوف انو تصرفات البنت بعد الزواج بتعقل وبتكن عكس الشب الي بعد الزواج بينفش ريشو وبيصير علاضربين [/COLOR]

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة ملاك الحريه السوريه شفتي يا سحوبة دايما هيك الغلط علينا وكانو هما ملائكة من السما عموما انا بشوف انو تصرفات البنت بعد الزواج بتعقل وبتكن عكس الشب الي بعد الزواج بينفش ريشو وبيصير علاضربين

ههههه هي انا معك فيا مية بالمية

هههه كأنو هالموضوع كان رح يطلع احلى لو انو بقسم النقاش والحوار لان صار فيه شد شعر

برأيي ... بما انو عم نحكي عن المرأة .. وبغض النظر هلئ عن الرجل يلي هوي كمان لسا اضرب

انا بتفق مع لورد بشغلااات ومع سحابة بشغلات

هلئ اكييييد في فرق كبيييير بين بنات هالايام وبنات زمااااان
وانو الشغلات الالكترونية هي صار شغلن الشاغل لبنات هالجيل
بس البنت يلي بتكون مرباي واخدت من طباع امها بتعرف تميز الشي الصح من الغلط اول شي
وحتى ازا البنت كانت قبل الزواج بتنشغل بهي القصص الواتس و غيرو وغيرو , المفروض انو بعد الزواج تنسى هي الامور او تعرف ايمت تستخدم وبأي وقت في حال بدها تقعد ع الواتس او الفيس .... طبعا بالاخير يعود ع الاهل ومدى حرصهم ع بناتن وولادن كمان من لما اجت هالشغلات يلي بتضيع الوقت

وفي بنات مابهتمو بهالقصص وبعرفن كتير منيح وبالنهاية اصابع الانسان مانن متل بعض

طرح جدا رائع سلمتي سحوبة

الله يرحم ايام الواحد كان ينطر ساعات براس الحارة وعطريق المدرسة

لياخد نظرة او ضحكة

ويضل يطبئ بالبنت سنتين تلاتة وكل يوم يلبسلها شكل ويحط كل طاسة الجيل عراسو

وهي كل يوم تعمل موديل شكل وتوقف شعراتها بالفيكساتور متل عرف الديك

ويضلو ينتظرو لحظة الاحلام الوردية الي بيقدرو فيا يهربو من رقابة الاهل
او المدرسة و يزتو رسالة لبعضن (اطرافها محروقة طبعا عاساس من شدة الشوق)

ويقراها الواحد ويعيد ويقرا ويعيد ويقرا (والضحكة تكاد تشئ الحنك)

وبالرسالة التانية يكتبلها (اكتب اليك بقطرات من دمي وهوة بكون حاطط دوى احمر)

وهي بتكون كاتبتلو (اكتب لك بدموع العين وهي منقطة من عصارة دوى الأدانين)

وبعد شي سنة تانية من الرسائل الي بتكون معطرة بكلونيا الحلاقين ابو خمساعرين ورئة

بيبعتلها رقم تلفون ارضي تبع جيران بيت خالتو

مشان كل ماصحلها توقف عكبينة تحط خمس ليرات وتتصل في

وتحكي بليرتين وتوفر لتاني مكالمة

وطول المكالمة البنت حاطة سماعة على ادن واصبعتها بالادن التانية من صوت السيارات

وعم تبعئ وتئلو (أألووووو علي صوتك ماعم اسمعك ياسندي)
وكل الناس واقفة وراها عالدور سمعانين كل السالفة

وبعد مايغرئو لشوشتن ببعض ويكونو عايشين بقصة بعيش معك ولو ببيت
عالاسطوح وغطى واحد يغطينا ومخدة وحدة تحوينا وزيت وزعتر بكفينا

بيتقدم الشب الحبيب ليخطب ومامعو اجار الرجعة عالبيت وشهادات مامعو غير شهادة لا اله الا الله

بينصدم انو الأهل رفضو وطلباتن مابعرف شو وابن عمها حاطط علام عليا

وتذهب كل الاحلام وكل هداك الحب ادراج الروحة والجية واجارات السرافيس

وبصيرو بحبو هاني شاكر وكل غنية بئولها بفكرو قالها مشانن

وبين كل غنية والتانية لااااازم حسن الاسمر (كتاب حياتي ياعين ماشفت زيو كتااااب)

البنت بترجع لجلياتها وعم تتنشوء وتبكي

والشب بيخبط فيزا وبسافر برة البلد

وبتضل الذكرى والحب عرسائل اطرافها محروء

ههههههههه اهم شي تلفون جيران بيت خالتو وهي عرف الديك فرطت ضحك

ايييييييييه

ونسيت الرسائل وملاقط الغسيل هي قصة تاني

بس جد رغم كل شئ كان في متعة بقصص الحب الي من هي النوع

عالقليلة كان الشب او البنت يعانو ليقلتقو ويحكو مع بعض

مو متل هالايام كل شئ بكبسة زر والمشاعر من ورا الشاشة مخباي

ايييييييوه على هديك الايام

الله يسعد قلوبكم جميعا ويسعد اوقاتكم بصراحة الموضوع شدني كتير
شكرا على الطرح الجميل وبالمناسبة كلام اخي وسام وكلام اختي سحابة صيف الاثنين بيصبو بمصب واحد انه يوجد السيئ ويوجد الجيد ومجتمعنا رغم كل الاشياء يلي دخلت عليه من تكنولوجيا وتطورضل محافظ على تقليدو الا البضع القليلة منه سواء كانو بنات اوشباب وما منقدر نتهم طرف ونوضع كل اللوم عليه لانو كل انسان خطاك ومعرض للخطئ وغلط نحكم على مجتمع باكملو بسبب مشاهدتنا لبعض فئة صغيرة من المجتمع منحرفين الطريق وخلينا نحط اعتبار امام اعيننا كلام الله عزوجل (الطيبون للطيبات والخبيثون للخبيثات) صدق الله العظيم
ودمتم سالمين تقبلو تحياتي واحترامي لكم جميعا

لك حبيب قلبي يا معاذ الورد نوووورت يا غالي

وكلامك طابو انت يا معلم هههه

اسعدك الله واسعد ايامك

هههههههههههههههههه
تسلملي روحك وسام الغالي ومنور بوجودك يازعيم

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة ورد الشام الله يسعد قلوبكم جميعا ويسعد اوقاتكم بصراحة الموضوع شدني كتير شكرا على الطرح الجميل وبالمناسبة كلام اخي وسام وكلام اختي سحابة صيف الاثنين بيصبو بمصب واحد انه يوجد السيئ ويوجد الجيد ومجتمعنا رغم كل الاشياء يلي دخلت عليه من تكنولوجيا وتطورضل محافظ على تقليدو الا البضع القليلة منه سواء كانو بنات اوشباب وما منقدر نتهم طرف ونوضع كل اللوم عليه لانو كل انسان خطاك ومعرض للخطئ وغلط نحكم على مجتمع باكملو بسبب مشاهدتنا لبعض فئة صغيرة من المجتمع منحرفين الطريق وخلينا نحط اعتبار امام اعيننا كلام الله عزوجل (الطيبون للطيبات والخبيثون للخبيثات) صدق الله العظيم ودمتم سالمين تقبلو تحياتي واحترامي لكم جميعا

بشكر تواجدك اخي ورد الشام ومتل ماقلت بكل مكان وزمان يوجد السئ ويوجد الحسن

كلام لاغبار عليه

تحياتي لك والورد وبنتمنى تشاركنا دايما بافكارك